Seb-bi nins b sẽn yiis sẽn pa-b kiris-nebã yĩngã
La paix et le bonheur sans fin — Comment les trouver ?
Y sã n kõt kasetã iniversite karen-biig sẽn yaa sɩnoa, y tõe n yeelame:
“Mam yãame tɩ iniversite wã karen-biis fãa baooda laafɩ la sũ-noogo. Yãmb tagsdame tɩ bõn-kãens tara yõod bɩ? [Bas-y t’a leoke.] Rẽ yĩnga gom-kãensã b sẽn togs pĩnd wẽndẽ wã sã n pidsi, kõn tall yamleoog sɩda?” Karm-y Yɩɩl Sõamyã 37:11 la y kãab-a seb-bilã.
“Ade! Mam maanda bũmb fãa paalse”
Y tõe n yeela nin-kẽem sẽn yaa budist woto:
“Tõe tɩ yãmb me maanda yɩɩr wala maam tags-yoodã sẽn piuugd zĩig zãngã, la b sẽn kɩt tɩ d kambã manesem tar toeengã. Bõe yĩng tɩ yoobã tar paasg kom-bɩɩsã sʋk woto? [Bas-y t’a leoke.] Rẽ yĩnga yãmb miime tɩ sebr a ye b sẽn sɩng gʋlsg hal sẽn deng moeemdã, Kirist tũudmã la ẽnduyismã waoong ra pĩnd n togsame tɩ yɛlã ra na n wa yɩɩ woto bɩ? [Karm-y 2 Tɩmote 3:1-3.] Ges-y tɩ baa nebã sẽn paamd bãngr n paasdẽ wã, yel-kãensã ket n beeme. [Karm-y verse a 7 wã.] Seb-kãngã sõnga maam tɩ m bãng sɩd ninga neb wʋsg sẽn zɩ n bãngã. Y nongẽ lame n karm-a bɩ?”
Pourquoi adorer Dieu en amour et en vérité ?
Sɩngr gom-kãensã tõe n kɩtame tɩ zak soab sẽn yaa ẽndu sak n kelge:
“Mam kaagda neb nins sẽn maand yɩɩr zak pʋgẽ vɩɩmã sẽn yaa to-to tẽns wʋsg pʋsẽ rũndã-rũndã wã yĩngã. Yãmb tagsdame tɩ bõe n tõe n sõng n kogl zak neb lagem-n-taare? [Bas-y t’a leoke.] Neb kẽer mii ẽndu rãmbã sɛb sẽn yet bũmb ning zak wɛɛngẽ wã, la b zɩ n paam segb n mak gom-kãens ne Biiblã me sẽn yet rẽ zugã ye. Mam nongẽ lame n wilg-y tags-kãngã. [Karm-y Kolos rãmba 3:12-14.] Seb-bi-kãngã vaeesda Ẽnd sɛb-sõamyã la Biiblã me.” Kãab-y-yã seb-bilã la y sõs seb-neng a 8-9 wã la 20-1 wã zutu.
Nos problèmes—Qui nous aidera à les résoudre ?
Y sã n sɛg bi-bɩɩg sẽn yaa ẽndu, y tõe n yeelame:
“Yaa vẽeneg tɩ y tẽeda Wẽnnaam. Yãmb tagsdame tɩ Wẽnnaam daab ne tõnd yaa bõe? [Bas-y t’a leoke. Rẽ poor bɩ y karem Sɩngre 1:28.] Zĩis wʋsgo, tẽnga pida ne neb tɩ yaa n loog la ne zu-loeese. Rẽ yĩnga yãmb tagsdame tɩ Naandã na n dat n sõng-d lame n welg d zu-loeesã bɩ?” Bas-y t’a leoke. Rẽ poor bɩ y kãab-a seb-bilã.
Connaîtrons-nous un jour un monde sans guerre ?
Y sã n kõt kasetã zʋɩfe, y tõe n yeelame:
“Tõnd sʋkã, neb wʋsg zoe n namsa kũum sẽn dɩk b nin-nongr yĩnga. Yãmb tagsdame tɩ bõe n be kũum poore?” Bas-y t’a leoke. Rẽ poor bɩ y wilg-a seb-neng 22 wã zĩ-gũbrã gom-zug sẽn yaa: “Que sont la mort et l’âme ?” Karm-y seb-neng 23 sull 17 wã sẽn gomd kũum vʋʋgrã yellã. Wilg-y-yã tɩ zag-yaleng ba a Zoob talla kũum vʋʋgrã saagre. Kãab-y-yã seb-bilã la y rɩk sɛk n wa lebg n tɩ sõs ne-a sull 17 wã zugu.
La direction venant de Dieu — le chemin qui mène au Paradis
Y sã n sõsd ne more, y tõe n yeelame:
“Mam maanda modgr wʋsg n na n sõs ne moeembã. M wʋmame tɩ moeembã tẽedame tɩ sɩd Wẽnnaam a ye bal n be, la tɩ b tẽeda no-rɛɛsdbã fãa. Woto yaa sɩd bɩ? [Bas-y t’a leoke.] M da nong n sõsa ne-y no-rɛɛs a ye sẽn da pĩnd n togs tɩ tẽngã na n lebga arzãnã zugu. M tõe n karma bũmb ning a sẽn gʋlsã n wilg-y bɩ? [Bas-y t’a leoke. Rẽ poor bɩ y karem Ezai 11:6-9.] Bãngr-gom-kãngã kɩtdame tɩ m tagsd Alkʋrãana gomd b sẽn togs seb-bi-kãngã pʋgẽ.” Lak-y seb-neng a 9 wã n karem gom-kãens b sẽn gʋls ne gʋls-bi-tagdã. A soabã sã n tʋll n kelg n paas bɩ y sõs ne-a sull a 7-9 wã sẽn be seb-neng 10 zugu.