Bũmb ning d sẽn na n yeel n kãab nebã Quel est le but de la vie? — Comment le découvrir? seb-bilã
Y sã n pʋʋs kɛlgdã n sa, y tõe n yeelame:
“Rũndã-rũndã vɩɩmã tara zu-loees la sũ-sãamse. Rẽ yĩnga yãmb tagsdame tɩ vɩɩmã ra segd n yɩẽ-la woto bɩ? [Bas-y t’a leoke.] Seb-bi-kãngã wilgdame tɩ Wẽnnaam pipi raabã ne ãdem-biisã la ne tẽngã na n pidsame. [Sõs-y fotã sẽn be seb-neng 20-1 wã zugu. Rẽ poor bɩ y karem sull a 9 wã, la y wɛgs Ezai 14:24 la 46:11 goamã.] M nongẽ lame n lebg n wa nindaar n wilg-y zĩig ning Biiblã sẽn yet tɩ Wẽnnaam na n lebs n lugla arzãnã tẽngã zugã.” Kãab-y-yã seb-bilã la y rɩk sɛka.
Y sã n lebg n kẽng nindaare, y tõe n yeelame:
“Mam yeela nindaarẽ tɩ sɩngrẽ wã, Wẽnnaam da ratame tɩ ninsaalbã vɩɩmd wakat sẽn-kõn-sa tẽng zug arzãnẽ. [Lebs-y n wilg-y fotã sẽn be seb-neng 20-1 wã.] Wilg-y t’a Zezi ne a Pɩɛɛr la a Davɩɩd goma arzãn yelle.” Lak-y seb-neng 21-2 wã n karem sull 10-13 wã. Kãab-y-yã Biibl zãmsg wall y rɩk sɛk n wa lebg n tɩ sõs ne-a gom-zu-bilã sẽn be seb-neng 29-30 wã zugu.
Koe-moond sẽn yaa bi-bɩɩg tõe n yeelame:
“Neb wʋsg sẽn yaa mam dog-taas yam yooda beoog daar sẽn na n yɩ to-to wã wɛɛngẽ. Rẽ yĩnga yãmb tagsdame tɩ zãmaan ning sẽn watã neb vɩɩm na n yɩɩ sõma bɩ? [Bas-y t’a leoke.] Biiblã gomda beoog daar sẽn na n yɩ sõma ãdem-biisã fãa yĩng yelle. [Lak-y seb-neng 31 wã n wilg fotã sẽn be be wã la y karem a gom-zu-bilã. Rẽ poor bɩ y karem 2 Pɩɛɛr 3:13.] Seb-bi-kãngã gomda bark nins Wẽnnaam sẽn bĩng ãdem-biisã yelle. [Sõs-y gom-zu-bilã sẽn be seb-neng 29-30 wã zug la y kãab-a seb-bilã.] M da nongẽ lame n lebg n wa nindaar n wilg-y Wẽnnaam sẽn kãab t’a na n kɩtame tɩ zabã sa wã.” Rɩk-y sɛka.
Y sã n lebg n kẽng nindaare, y tõe n yeelame:
“Nindaarẽ mam wilga bilf bal tɩ Wẽnnaam dat n lebs n lugla tẽng zug arzãnã. [Lebs-y n wilg-y fotã sẽn be seb-neng 31 wã.] M nong n bãngẽ-la yãmb meng tagsg Wẽnnaam sẽn kãab t’a na n kɩtame tɩ zabã sa wã wɛɛngẽ.” Kɩt-y t’a rɩk a seb-bilã n karem tɩ y sõs ne taab seb-neng 29 sull a 3-6 zugu. Rɩk-y sɛk n wa lebg n tɩ sõs ne-a sull a 7-8 wã zug nindaare.
Kãsem sã n moond ne biiga, a tõe n goma bãmb b yiibã yʋʋr yĩng n yeele:
“Y sã n kõ a ________ sore, a na n wilg-y-la foto la a karem verse Biiblã pʋgẽ tɩ y kelge. [Biigã wilgda fotã sẽn be seb-neng 31 wã la a karem Wilgri 21:4.] Seb-bi-kãngã wilgda Wẽnnaam sẽn na n maan bũmb ning yɛl nins tõnd sẽn maood ne rũndã-rũndã wã wɛɛngẽ. [Gom-y seb-neng 29-30 pʋgẽ gom-zu-bi wã b sẽn gʋls ne gʋls-bi-tagdã zut la y kãab-a seb-bilã.] D sã n lebg n wa nindaare, m nongẽ lame n wilg-y Biiblã sẽn yet bũmb ning bãasã fãa saab wɛɛngẽ.”
Y sã n lebg n kẽng nindaare, y tõe n yeelame:
“Tõnd sẽn sõs ne taab nindaarẽ wã, mam yeelame tɩ m na n wa wilg-y-la Biiblã sẽn yet bũmb ning bãasã fãa saab wɛɛngẽ. Ges-y b sẽn yeel zĩ-kãensã wã.” Kɩt-y t’a rɩk a seb-bilã n karem seb-neng 29 wã sull a 9-14. Kãab-y-yã Biibl zãmsgo, wall y rɩk sɛk n wa sõs ne-a sull 15-17 wã zug nindaare.