Bũmb ning d sẽn tõe n yeel n kãab Wẽnnaam Sɩd Maanda Yɩɩr Tõnd Yĩng bɩ? seb-bilã
Reng-y n gom-y yel-beed sẽn maan paalem yell la y yaool n yeel woto:
“Yãmb zoe n soka y meng Wẽnnaam toog sã n sɩd bee ne tõnd a sẽn bas ninsaalbã tɩ b namsdẽ wã yĩng bɩ? [Bas-y t’a leoke.] Seb-bi-kãngã leokda sok-kãngã la a wilgd Wẽnnaam sẽn na n maan bũmb ning ka la bilfu. [Wilg-y seb-neng 27 fotã la y karem Yɩɩl Sõamyã 145:16 sẽn be sull 22 wã.] Wãn-wãn la Wẽnnaam na n kɩt tɩ ãdem-biisã namsg fãa sa? M nongẽ lame n lebg n wa nindaar tɩ d sõs sok-kãngã zugu.” Kãab-y-yã seb-bilã la y rɩk sɛk n lebg n tɩ kaag-a.
Y sã n wa lebg n kẽnge, y tõe n yeelame:
“Mam sẽn wa ka nindaarẽ wã, tõnd da karma verse kãngã. [Karm-y wall y togs Yɩɩl Sõamyã 145:16 goamã ne zugu.] Rẽ poore, mam soka yãmb tɩ: Wãn-wãn la Wẽnnaam na n kɩt tɩ ãdems-biisã namsg fãa sa?” Kɩt-y t’a rɩk a seb-bilã n wa. Lak-y seb-neng 27-8 wã n karem sull 23-5. Kãab-y-yã Biibl zãmsg wall y rɩk sɛk n lebg n wa sõs ne-a sull 26-7 wã zug nindaare.
Koe-moond sẽn yaa bi-bɩɩg tõe n yeelame:
“Neb wʋsg sẽn yaa mam dog-taas yaeesda dũniyã sẽn na n lebg to-to ka la yʋʋm 10 bɩ 15 pʋgẽ. Yãmb yẽ tagsdame tɩ vɩɩmã na n lebga wãn-wãna? [Bas-y t’a leoke.] Yɛl nins tõnd sẽn ne rũndã-rũndã wã wilgdame tɩ d bee yaoolem dayã wakate. [Karm-y 2 Tɩmote 3:1-3.] Seb-bi-kãngã leokda sogs-kãensã. [Karm-y sogsg nins sẽn be pipi seb-nengã zugã la y kãab-a seb-bilã.] M sã n lebg n wa nindaar tɩ y tar minit a wãna, m nong n sõsẽ-la ne-y bũmb sẽn kengd pɛlg zugu, bãasã la kʋʋlmã saab wɛɛngẽ.” Rɩk-y sɛka.
Y sã n wa lebg n tɩ na n ges-a, y tõe n yeelame:
“Tõnd nindaarẽ sõsgã pʋgẽ, mam da yeelame tɩ m dat n sõsa ne-y bãasã la kʋʋlmã sẽn na n sa wã wɛɛngẽ. B gomda rẽ yell zĩ-kãngã.” Kɩt-y t’a rɩk a meng seb-bilã tɩ y karem la y sõs seb-neng 23-4 sull a 6-7 wã zugu. Rɩk-y sɛk n wa lebg n tɩ sõs ne-a sull a 8-9 wã zugu.
Kãsem sã n moond ne biiga, a tõe n goma bãmb b yiibã yʋʋr yĩng n yeel woto:
“Y sã n kõ-d sore, a ________ na n karma verse tɩ y kelge. [Biigã karem Yɩɩl Sõamyã 37:29 wã la a wɛgs-a koɛɛg-koɛɛga.] Seb-bi-kãngã wilgda Wẽnnaam sẽn na n pids raab ning a sẽn tar ne ãdem-biisã la ne tẽngã to-to. [Wilg-y foto rãmbã sẽn be seb-neng 24-7 wã.] Nindaare, m na n wilg-y-la Biiblã sẽn kãab tɩ kũum na n vʋʋgame wã.” Kãab-y-yã seb-bilã la y rɩk sɛka.
Lebg-n-tɩ-gesã sasa, kãsmã tõe n yeelame:
“Tõnd sẽn wa n na n ges yãmb pipi wã d karma Yɩɩl Sõamyã 37:29, tɩ mam da yeel tɩ m na n wilg-y-la Biiblã sẽn yet bũmb ning kũum vʋʋgrã wɛɛngẽ. Ges-y bũmb ning b sẽn yeel zĩ-kãngã wã.” Kɩt-y t’a rɩk a meng seb-bilã n wa tɩ y karem seb-neng 24-5 wã sull 12-14. Kãab-y-yã Biibl zãmsg wall y rɩk sɛk n lebg n tɩ sõs ne-a sull 15-16 zugu.