Tʋʋmdã Tigissi
Vẽnegre: Rĩungã Tʋʋmd na n talla Tʋʋmd tigisg semen fãa yĩng tigis-kãsemsã wakate. Tigimsã tõe n maana toeeng wa sẽn segd sẽn na yɩl n bas weer n tõog n kẽng “Wẽnnaam sakr” dasem a tãab tigis-kãsengã. Yaoolem tʋʋmd tigisg ning sẽn deng tigis-kãsengã, bɩ y rɩk minit 15 n gom n tadg tagsa sẽn zems ne tigingã zugu, sẽn yit ki-kãngã seb-paasdmã pʋgẽ. Kiuug a ye bɩ a yiib y tigis-kãsengã loogr poore, bɩ y rɩk minit 15 bɩ 20 tʋʋmd tigisg sasa (tõe tɩ na n yɩɩ yɛl sẽn pak tigingã zĩigẽ,) n lebg n ges tigis-kãsengã zĩ-kãsems kẽer koe-moondbã sẽn yã tɩ tõe n sõng-b-la koe-moonegã pʋgẽ. Tʋʋmd tigisg kãng na n kõo d fãa segb tɩ d wilg d sẽn tũud bũmb nins d sẽn zãms tigis-kãsengẽ wã to-to la rẽ sẽn sõng-d tɩ d paas d koe-moonegã sõmblem to-to.
Zĩ-likr kiuug r. 10 semennã
Yɩɩll a 8 (sb29-MM)
Min. 10: Tigingã koeese. Rĩungã Tʋʋmd koees b sẽn tũusi. Sagls nins sẽn be seb-neng 10 sã n zemsd ne yãmb moonegã zĩigẽ nebã bɩ y tik-b n mak d sẽn na n kãab yaoolem zĩ-likr rasem 15 Gũusg Gasgã la a rasem 22 Réveillez-vous ! wã to-to n wilgi. Mak-n-wilg fãa poor bɩ y wilg a zĩis nins sẽn yɩ sõma wã. Sẽn paase, wilg-y kɛlgdbã zʋrnallã sõss a taab me sẽn tõe n yɩ moonegã zĩig neb noogo.
Min. 15: Yãmb tara minung sẽn yaa sõma sɛbã kareng wɛɛngẽ bɩ? Sõsg ne kɛlgdbã sẽn tik École du ministère sebrã seb-neng 21-6. Seb-bʋs me la d tõe n karemdẽ? (s.n. 21 wã zĩ-gũbri) Bõe yĩng tɩ tar yõod tɩ d karemd sɛbã b sẽn kõt-dã? (s.n. 23 s. a 2) Bõe maaneg n tõe n kɩt tɩ d karemd sɛbã wakat fãa? (s.n. 26 s. a 3-4) Wãn to la y sigl y sẽkã n karemd Gũusg Gasgã la Réveillez-vous ! wã? Wãn-wãn la rẽ naf-yã?
Min. 20: “D ket n togsd Wẽnnaam koɛɛgã ne raoodo.”*Kɩt-y tɩ kɛlgdbã wilg yɛl kẽer taoor kasetã kũun sẽn yɩ toog ne-ba, la bũmb ning sẽn sõng-b tɩ b tõog n kõ kasetã.
Yɩɩll 18 (sb29-MM) la baasg pʋʋsgo.
Zĩ-likr r. 17 semennã
Yɩɩll 13 (sb29-MM)
Min. 10: Tigingã koeese. Tik-y yʋʋmd 2005 bõn-bɩʋʋng kiuug Rĩungã Tʋʋmd seb-paasdem seb-neng a 3 wã n lebg n ges zĩig a ye bɩ a yiib sẽn wilgd d sẽn tõe n tʋm ne verse rãmbã sõma Biiblã zãmsg ne nebã sasa wã.
Min. 15: “D wilg nebã tɩ b yell pak-d lame.”*Kɩt-y tɩ kɛlgdbã wilg d sẽn tõe n maan to-to koe-moonegã wakat n kɩt tɩ nebã bãng tɩ b yell pak-d lame. Rĩungã Tʋʋmd sɛb nins sẽn na n pʋglã pʋsẽ, d na n wilga manesem a taab d sẽn tõe n tall n kɩt tɩ neb nins d sẽn moondã bãng tɩ b yell pak-d lame.
Min. 20: D wilg ne d sẽn manegd d mengã to-to wã tɩ d sakda Wẽnnaam. Sõsg ne kɛlgdbã kãsem soab sẽn na n kõ tɩ tik yʋʋmd 2002 sa-sik pipi daar Gũusg Gasgã ne moorã, seb-neng 30-32. Kɩt-y tɩ kɛlgdbã wilg tõnd sẽn manegd d mens tɩ zemsdẽ wã sẽn tõe n kɩt tɩ d tõog n kõ kasetã to-to.
Yɩɩll 16 (sb29-MM) la baasg pʋʋsgo.
Zĩ-likr r. 24 semennã
Yɩɩll 11 (sb29-MM)
Min. 15: Tigingã koeese. Karm-y ligdã gɛɛl koɛɛg la tigingã bark pʋʋsem kũuna yĩngã sebre. Tik-y zʋrno rãmbã kãabg mak-n-wilg toɛy-toɛy sẽn be yʋʋmd 2005 yʋʋm-vẽkr Rĩungã Tʋʋmd seb-paasdmã pʋgẽ wall goam a taab sẽn zems ne yãmb moonegã zĩig nebã n wilg d sẽn na n kãab sɛbã sɩpaolg kiuugã pʋgẽ to-to.—Ges-y yʋʋmd 2005 yʋʋm-vẽkr Rĩungã Tʋʋmde, s.n. a 8, s. a 5.
Min. 30: “Pẽg-y-yã a Zeova tiging-kãsengã pʋgẽ.”*Yaa tigingã sekertɛɛr n na n wɛgsa. Wilg-y tigis-kãseng ning tigingã sẽn na n kẽngã. Wɛgs-y sulã wala Gũusg Gasgã zãmsg sẽn maand to-to wã. Yãk-y saam-biig t’a karemd sulã. Lebg-y n ges-y zĩ-gũbrã gom-zug sẽn yaa: “Tẽegr rasem a tãab tigis-kãsengã yĩnga.”
Yɩɩll 21 (sb29-MM) la baasg pʋʋsgo.
Zĩ-likr r. 31 semennã
Yɩɩll a 4 (sb29-MM)
Min. 10: Tigingã koeese. Tẽeg-y koe-moondbã tɩ b kɩs b zĩ-likr kiuugã rapoor dãmba. Sagls nins sẽn be seb-neng 10 sã n zemsda ne yãmb moonegã zĩigẽ nebã bɩ y tik b zug n mak d sẽn na n kãab sɩpaolg kiuug pipi daar Gũusg Gasgã la a rasem a 8 Réveillez-vous ! wã to-to n wilgi. Mak-n-wilg a ye pʋgẽ bɩ y wilg y sõsd-n-taagã zĩ-gũbr ning gom-zug sẽn yaa: “D sebr sẽn pʋgdã pʋgẽ” wã n kɩt t’a tʋlg tɩ y lebg n wa kaag-a.—Ges-y yʋʋmd 1998 zĩ-likr kiuug Rĩungã Tʋʋmde, s.n. a 8, s. a 7-8.
Min. 15: Gil-y ẽntɛrnetã sẽn wat ne yɛl ninsã? Sõsg kãsem soab sẽn kõt tɩ tik yʋʋmd 2004 yʋʋm-sar kiuug rasem a 8 Réveillez-vous ! wã seb-neng 18-21.
Min. 20: Kom-bɩɩs sẽn kell n sak Wẽnnaam, la b pa paoog b zu-soben dãmb ye. Sõsg kãsem soab sẽn na n kõ tɩ tik yʋʋmd 2002 bõn-bɩʋʋng kiuug rasem 15 Gũusg Gasgã seb-neng 23-24, gom-zu-bil kãngã: “Une abstention respectueuse.” Kɩt-y tɩ bi-bɩɩg a ye bɩ b yiib reng n segl b mens n wa togs makr nins b sẽn seg lekollẽ wã, la bũmb ning sẽn sõng-b tɩ b tõog n mao ne mak-kãense.
Yɩɩll 29 (sb29-MM) la baasg pʋʋsgo.
Sɩpaolg r. a 7 semennã
Yɩɩll 12 (sb29-MM)
Min. a 5: Tigingã koeese.
Min. 20: Kelg-y sõma tigissẽ wã n paase. Sõsg ne kɛlgdbã sẽn tik yʋʋmd 2002, sɩpaolg kiuug pipi raar Gũusg Gasgã ne moore, seb-neng 10-12, sull 11-14. Lebg-y n ges-y sagls nins b sẽn kõ wã n kɩt tɩ kɛlgdbã wilg bũmb ning sẽn sõng-b tɩ b tõog n dɩ tigingã tigiss nafa tɩ pidi.
Min. 20: “D bao n zãms Biiblã ne sẽn deegd-b zʋrno rãmbã wakat fãa wã.”*Y sã n wa sõsd sull a 3 wã zug bɩ y tik Comment raisonner sebrã seb-neng 336-341 zug n segl sõss sẽn tik verse rãmb zut n pʋgd taaba, n wilg bũmb ning Wẽnnaam Rĩungã sẽn na n maanã. Paas-y mak-n-wilg sẽn wilgd koe-moond sẽn sõsd verse zug ne ned sẽn deegd zʋrno rãmbã ne-a wakat fãa. A segd n sõsa verse zug koɛɛg-koɛɛg ne a kɛlgdã n sõng-a t’a wʋm verse wã võor sõma la a sẽn tõe n naf-a to-to.
Yɩɩll a 7 la baasg pʋʋsgo.
[Tẽngr not rãmbã]
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.