Tʋʋmdã Tigissi
Vẽnegre: Rĩungã Tʋʋmd na n talla Tʋʋmdã Tigisg na-kẽndr semen fãa yĩnga, tigis-kãsemsã wakate. Tigimsã tõe n maana toeengo, “D fãagrã ta n saame!” rasem a tãab tigis-kãsengã yĩnga. Yaoolem tʋʋmd tigisg ning sẽn deng tigis-kãsengã, y tõe n dɩka minit 15 n gom n tadg tagsa sẽn zems ne tigingã zugu, sẽn yit yʋʋmd 2006, bõn-bɩʋʋng kiuugã seb-paasdmã pʋgẽ wã. Kiuug a ye bɩ a yiib y tigis-kãsengã loogr poore, bɩ y rɩk minit 15 bɩ 20 Tʋʋmdã Tigisg a ye sasa (tõe tɩ na n yɩɩ yɛl sẽn pak tigingã zĩigẽ) n lebg n ges tigis-kãsengã tags-kãsemse. Pa sõssã fãa ye. Lebg-y n ges-y zĩis nins sẽn tõe n sõng-d koe-moonegã pʋgẽ wã. Kɩt-y tɩ koe-moondbã togs b sẽn zoe n tũud saglsã b koe-moonegã pʋgẽ to-to.
Yʋʋm-sar r. 11 semennã
Yɩɩl a 4 (Sb-MM)
Min. 10: Tigingã koeese. Tik-y sagls nins sẽn be seb-neng a 8 wã bɩ a taab sẽn zems ne y moonegã zĩig nebã, n mak d sẽn na n kãab yaoolem Gũusg Gasgã la Réveillez-vous ! wã to-to n wilgi. Mak-n-wilg a ye pʋgẽ, b na n wilga d sẽn tõe n leok ned sẽn yet t’a pa rat n kelg ye.—Ges-y Comment raisonner sebrã pʋgẽ, a neng 16.
Min. 15: Wẽnnaam tʋʋmdã lekoll na-kẽndr yʋʋmd 2007 wã rẽnda. Diskuur la bool-n-sogse. Yaa lekollã yel-gɛt n segd n maane. Yãk-y bũmb nins sẽn be yʋʋmd 2006, zĩ-likr kiuugã Rĩungã Tʋʋmd seb-paasdmã pʋgẽ sẽn na n naf yãmb tigingã n sõs rẽ zugu. Wilg-y tɩ lekollã yel-gɛt pa rengd n togs karen-biisã sẽn segd n tʋm zĩis nins ye. Sẽn mik tɩ yʋʋmd 2007 wã pʋgẽ d na n karma Ezai sebrã sak 24 soabã n tɩ tãag Malaki sebrã, saam-biis nins b sẽn yãk tɩ b kõ zãmsg d sẽn paam Biiblã kareng pʋgẽ wã, la neb nins sẽn na n kẽes b toog sõsgã pʋgẽ wã na n paam n gesa tʋm-tʋmdã sɛb nins sẽn kõt vẽnegr bãngr-goam seb-kãensã pʋgẽ wã. Bool-y koe-moondb a yiib bɩ a tãab n soke: Na n yɩɩ karen-bi-paalle, bi-bɩɩg sẽn kẽngd taoor Wẽnnaam tʋʋmdã lekollẽ, la karen-bi-kʋdr sẽn tar minim. Kɩt-y tɩ b togs Wẽnnaam tʋʋmdã lekoll sẽn sõng-b koe-moonegã pʋgẽ to-to, la kɩt tɩ b tẽebã paase. Sagl-y nebã fãa tɩ b modg n segl b sõssã sõma, n kõt leoor zãmsg d sẽn paam Biiblã kareng pʋgẽ wã sõsg sasa, la b tũud sagls nins b sẽn kõt semen fãa sẽn yit Tirez profit de l’École du ministère théocratique sebrã pʋgẽ wã.
Min. 20: “Ra bas-y nonglem ning y sẽn da tar sɩngrẽ wã ye.”* Sẽk sã n beẽ, bɩ y kɩt tɩ kɛlgdbã gom verse rãmb nins b sẽn sõdgã yelle.
Yɩɩl 193 (sb-F) la baasg pʋʋsgo.
Yʋʋm-sar r. 18 semennã
Yɩɩl 17 (sb-MM)
Min. 10: Tigingã koeese. Rĩungã Tʋʋmd pʋgẽ koees b sẽn tũusi. Wilg-y b sẽn dɩk segls nins tɩ tigingã neb na n moon yʋʋm-sar kiuug rasem 25 daarã, la yʋʋm-vẽkr kiuugã pipi daare.
Min. 15: “D lebg n tɩ ges neb nins fãa sẽn sak n kelgã.”* Kɩt-y tɩ kɛlgdbã togs b sẽn tõog n kɩt tɩ neb nins b sẽn seg sor zug bɩ zĩig a to sak n kõ b telefõn nimero bɩ b adɛrs tɩ b tõog n leb n tɩ ges-ba, la b wilg b sẽn lebg n tɩ ges-b tɩ wom biis ninsi. Y tõe n kɩtame tɩ ned a ye bɩ neb a yiib reng n segl b mense.
Min. 20: Y sẽn pa tõe n yãk-a n bĩngã yĩnga, bɩ y tʋm ne-a sõma. Diskuur la sõsg ne kɛlgdbã sẽn tik yʋʋmd 2006, sa-sik kiuug pipi daar Gũusg Gasgã seb-neng a 8-10 zugu. Kɩt-y tɩ kɛlgdbã wilg b sẽn sigind b sẽkã to-to sẽn na yɩl n moon koe-noogã sõma wa b sẽn tõe tɛka. Wilg-y tɩ tara yõod tɩ d sigl d sẽkã sõma, la tɩ ned kam fãa segd n maana woto. Kõ-y sagls sẽn tõe n sõng tigingã neb tɩ b tʋm ne b sẽkã sõma la b tʋm tẽebã tʋʋma.
Yɩɩl 108 (sb-F) la baasg pʋʋsgo.
Yʋʋm-sar r. 25 semennã
Yɩɩl 12 (sb-MM)
Min. 10: Tigingã koeese. Karm-y ligdã gɛɛl koɛɛg la tigingã bark pʋʋsem kũunã yĩngã sebre. Tik-y sagls nins sẽn be seb-neng a 8 wã bɩ a taab sẽn zems ne y moonegã zĩig nebã, n mak d sẽn na n kãab yaoolem Gũusg Gasgã la Réveillez-vous ! wã to-to n wilgi. Mak-n-wilg fãa baasgẽ bɩ y sok sokr y sẽn tõe n wa leok ne Biiblã yetame sebrã.
Min. 15: Yɛl sẽn pak tigingã.
Min. 20: “Yãmb tara y meng mooneg zĩig bɩ?”* Kɩt-y tɩ tʋʋmdã yel-gɛt wilg tigingã mooneg zĩig todse, la yʋʋmdã pʋgẽ naoor a wãn la b tʋmd moonegã zĩig t’a sa, la a wilg mooneg zĩis koe-moondbã sẽn tõe n paame.
Yɩɩl 219 (sb-F) la baasg pʋʋsgo.
Yʋʋm-vẽkr pipi semennã
Yɩɩl 15 (sb-MM)
Min. a 5: Tigingã koeese. Tẽeg-y koe-moondbã tɩ b kɩs b yʋʋm-sar kiuugã rapoor dãmba.
Min. 20: Kibay sẽn wilgd tɩ koe-moonegã kẽngda taoore. Diskuur la sõsg sẽn tik Organisés pour faire la volonté de Jéhovah sebrã zugu, sẽn sɩngd ne seb-neng 83 n tɩ tãag sakã baasgo.
Min. 20: Yãmb makda y meng ne neb a taabã bɩ? Diskuur la sõsg ne kɛlgdbã sẽn tik yʋʋmd 2005, wao-fugdg kiuugã rasem 15 Gũusg-Gasgã seb-neng 28-31. Yaa kãsem soab sẽn mi sõsg sõmã n segd n maane. Wãn to la a Poll saglg ning sẽn be Galat dãmb 5:26 pʋgẽ wã tõe n naf tõndo? Bõe yĩng tɩ d pa segd n mak d mens ne neb a taabã? Wãn to la tõnd ned kam fãa tõe n bãng a tʋʋmdã sã n yaa sõma bɩ pa sõma? Kɩt-y tɩ kɛlgdbã wilg nafa nins d sẽn paamde, d sã n pa makd d tẽebã tʋʋm ne neb a taabã rẽnda.
Yɩɩl 65 (sb-F) la baasg pʋʋsgo.
[Tẽngr not rãmbã]
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.