D sẽn tõe n kãab nebã periodik rãmbã to-to

Gũusg Gasgã Sɩpaolgo, 1

“Yãmb tagsdame tɩ bũmb nins tõnd sẽn maandã yell paka malɛgsã bɩ? [Bas-y t’a leoke.] Ges-y Biiblã sẽn yet bũmb ning ka wã. [Karm-y Luk 15:10.] A Zezi wilga malɛgsã sẽn tõe n maan tõnd bũmb ninga. Seb-kãngã gomda rẽ yelle.” Wilg-y sõsg ning sẽn sɩngd seb-neng 16.

Réveillez-vous ! Sɩpaolgo

Karm-y 2 Tɩmote 3:16, la y yeel woto: “Yãmb tagsdame tɩ d tõe n kɩsa sɩd ne bũmb nins fãa Biiblã sẽn yetã bɩ? [Bas-y t’a leoke.] Seb-kãngã wilgda tẽn-vaeesdbã ne kʋdemd yɛl mitbã goamã sã n zemsda ne Biiblã sẽn yet bũmb ning pĩnd wẽndẽ Eziptã wɛɛngẽ wã.” Wilg-y sõsg ning sẽn sɩngd seb-neng 15 wã.

Gũusg Gasgã Yʋʋm-sare, 1

“Neb wʋsg tẽedame tɩ malɛgsã la zĩn-dãmbã sɩd beeme, la tɩ b tõe n maana tõnd neer bɩ n maan-d wẽnga. La yãmb yẽ tagsda wãn-wãna? [Bas-y t’a leoke, tɩ rẽ poor bɩ y karem Wilgr 12:7-9.] Seb-kãngã wilgda Biiblã sẽn yet malɛgsã la zĩn-dãmbã wɛɛngẽ, b sẽn tõe n maan tõnd bũmb ninga, la a wilgd d sã n tõe n goma ne-b bɩ d pa tõe.”

Réveillez-vous ! Yʋʋm-sare

“Yãmb rat n bãnga bũmb ning sẽn kɩt tɩ b maand Nowɛllã yʋʋm-sar kiuug rasem 25, tɩ Biiblã yaool n pa wilg a Zezi rogem daarã bɩ? [Bas-y t’a leoke.] Sã n yaa ne Biiblã, a Zezi rogmã pa tõe n yɩ yʋʋm-sar kiuug rasem 25 sẽn yaa waood sasa wã ye. [Karm-y Luk 2:8.] Seb-kãngã wilgda yɛl kẽer b sẽn maand Nowɛllã sasa wã sẽn sɩng to-to.”