D sẽn tõe n kãab nebã periodik rãmbã to-to

Gũusg Gasgã yʋʋm-vẽkre, 1

Karm-y Sɩngr 2:16, 17, tɩ rẽ poor bɩ y yeel woto: “Neb kẽer yetame tɩ Wẽnnaam da reng n miime t’a Ãdem na n kɩɩsame. Sãnda me tagsdame tɩ Wẽnnaam sã n da zoe n mi yellã sẽn na n baas to-to, rẽnd a keoogrã ra pa tar yõod ye. La yãmb yẽ tagsda wãn-wãna? [Bas-y t’a leoke.] Seb-kãngã neng 13 wã zĩigẽ, b wilgda Wẽnnaam sã n da zoe n miime t’a Ãdem na n kɩɩsame bɩ a ra pa mi.”

Réveillez-vous ! Yʋʋm-vẽkre

“Neb kẽer tagsdame tɩ f sẽn yãk tũudum ning fãa yaa sõma. La yãmb yẽ tagsda wãn-wãna? [Bas-y t’a leoke.] Biiblã wilgdame tɩ d pa segd n tẽ bũmb zond-yaar woto ye. [Karm-y 1 Tesalonik rãmb 5:21.] Seb-kãngã pʋgẽ, sõsg ning sẽn sɩngd seb-neng 28 wã wilgda tõnd d sẽn tõe n bãng d tẽebã sã n tika kaset sẽn yaa sɩd zug to-to.”

Gũusg Gasgã wao-fugdgu, 1

“Kãadmã kaoob yaa wʋsg rũndã-rũndã. Yãmb tagsdame tɩ yaa bõe n kɩt tɩ yaa woto wã? [Bas-y t’a leoke.] Ges-y saglg sẽn tõe n sõng rao ne a pag tɩ b kãadmã yɩ sõma. [Karm-y 1 Korẽnt dãmb 10:24.] Seb-kãngã pʋgẽ, b wilgda yɛl a yoob zug rapã ne pagbã sẽn mi n tik n ningd b to wã taale, la b wilgd Biiblã sagls tũub sẽn tõe n sõng-b to-to.”

Réveillez-vous ! Wao-fugdgu

“Rũndã-rũndã neba wʋsg nonga vãmpɩɩr filim dãmbã, bagrã, sõodã la tɩɩm dãmbã yɛla. Yãmb tẽedame tɩ woto yaa yell bɩ? [Bas-y t’a leoke.] Ges-y Wẽnnaam sẽn da keoog Israɛll nebã to-to. [Karm-y Tõod 18:10-12.] Seb-kãngã wilgda Biiblã sẽn yet bũmb ning tɩɩmã maaneg la zĩn-dãmb yɛlã wɛɛngẽ.”