Gũusg Gasgã ne ãngilind wʋmb sẽn pa toogã la yãmb dat bɩ?

Masã, b yiisda Gũusg Gasg a to zãmsgã yĩng ne ãngilindi, t’a goamã võor yaa nana. Sẽn yɩɩd fãa yaa sẽn na yɩl n sõng 1) Koe-moondb nins sẽn dat gom-biis võor sẽn yaa nana baa ne ãngilindã sẽn yaa b buud-gomdã, tɩ tõe n yaa b sẽn pa karem n zãag yĩngã. 2) Koe-moondb nins sẽn gomd ãngilindi, tɩ pa b buud-gomdã. 3) Kambã la kom-bɩɩs nins sẽn be ãngilind lekollẽ, tɩ b karengã nan pa zãagã. La 4) Sẽn na yɩl n sõng Biibl karen-biis nins sẽn gomd ãngilind la pa zãagã, tɩ b wʋm Biiblã goamã võor sõma.

Zãmsg fãa pʋgẽ, sulã sõore, sogsgã la gom-zu-biyã ne sẽn be Gũusg Gasg a to wã pʋgẽ wã tũuda taaba. Yaa gom-biisã võor sẽn yaa nana n yɩɩdã bala. Yaa sɩd tɩ Gũusg Gasgã zãmsg taoor lʋɩtã la karemdã pa na n get be, sã n pa mikame tɩ nebã fãa la bal zãada rẽ ye. Baasgo, sẽn zãad-b Gũusg Gasg kãngã na n mikame tɩ vɛrse rãmbã la foto rãmbã yaa a ye. Woto kɩtame tɩ bãmb me tõe n tũ karengã la b leokdẽ.

Ned ning fãa sẽn tagsd tɩ yaa Gũusg Gasgã ne ãngilind sẽn pa toogã la sõma ne-a bɩ a yã sɛbã yel-gɛt t’a kose, tɩ kiuug fãa bɩ b kõt-a.