“Tõnd waame n na n . . . ”

Tõnd sã n ta zak noor tɩ b rãmbã yi n na n kelg-do, b tõe n sokda b mens d sẽn yaa neb ninsi, la d waoongã võore. Woto wã, bõe la d tõe n yeel n gãneg b yam? Koe-moondb kẽer sã n pʋʋs b kɛlgdã n sa, b wilgda b sẽn yaa ned ninga. Rẽ poore, b wilgda b waoongã võor n yeel woto: “Tõnd waame n na n sõs ne yãmba. Tʋʋm-wẽnsã sẽn tar piuugrã sãamd neb wʋsg sũyã. Yãmb tagsdame tɩ . . . ” Wall b yeel woto: “Tõnd waame n na n wilg yãmb d sẽn zãmsd Biiblã to-to ne neb tɩ pa tũ ne yaood ye.” Sõsgã sɩngrẽ d sã n zoe n wilg kɛlgdã d waoongã võore, tõe n kɩtame t’a tʋlg n kelg koɛɛg ning d sẽn tar n na n taas-a wã.