D paas d koe-moonegã minim: D sẽn tõe n lebg n tɩ ges ned to-to

A YÕODÃ: Neb wʋsg sẽn kelgd Rĩungã koɛɛg tʋll n bãnga sɩdã Wẽnnaam zugu. (Eza. 55:6) Yɩl n tõog n sõng-ba, d segd n kaagd-b lame. La nebã yɛl sẽn pa taabã, d sẽn na n sõng ned kam fãa to-to wã yaa toore. D sã n segend sõma, la d pa yĩmdẽ tɩ d raabã yaa d paam n sɩng Biibl zãmsg ne nebã, d kaagrã na n woma biisi.

SẼN SEGD N YƖ TO-TO:

• D lebg n tɩ kaag kɛlgdã tao-tao.—Mat. 13:19

• D sõs ne-a noog-noogo, la d waoog-a

• D sã n ta bɩ d pʋʋs kɛlgdã neere, d sã n sõsd ne-a bɩ d boond a yʋʋrã. D tẽeg-a bũmb ning sẽn kɩt tɩ d lebg n wa wã. Tõe tɩ yaa sẽn na n leok a sokre, sẽn na n kõ-a seb-paalle, pa rẽ bɩ n wilg-a tõnd sɩtã, bɩ video, wall d wilg-a d sẽn zãmsd Biiblã to-to ne nebã. A sã n tʋlg n na n bãng bũmb a to me bɩ y sõng-a.—Fili. 2:4

• D wilg-a bũmb Biiblã sẽn yete, wall d kõ-a sebr sẽn na n kɩt t’a tʋlg n bãng n paase. (1 Kor. 3:6) D bao n yõg zood ne-a

• D bao n lebg n wa kaag kɛlgdã nindaare