Kʋmsd-y bũmb ning y sẽn zãmsdã

Yãmb mi n zãmsa Biiblã n sa, tɩ yaa toog tɩ y lebg n tẽeg bũmb ning y sẽn zãmsã bɩ? A buud mi n paama d fãa. Bõe la y tõe n maan tɩ sõng-yã? Kʋmsd-y bũmb ning y sẽn zãmsdã.

Y sã n wa zãmsd Biiblã bɩ y mi n yals n tags bũmb ning y sẽn zãmsdã zugu. Tẽn-tʋmd a Poll yeela bũmb n na n sõng neb nins sẽn karemd a lɛtrã tɩ b maan woto. A yeelame: “Ad bũmb ning sẽn tar pãng n yɩɩdã.” (Ebre. 8:1) A Poll maana woto n na n sõng sẽn karemd-b a lɛtrã tɩ b wʋm a goamã võore, la b bãng b sẽn pʋgd taab to-to.

Zãmsg fãa baasgẽ, y tõe n yalsa minit piig n bʋgs bũmb nins y sẽn zãmsã zugu. Y sã n pa tõe n tẽeg tags-kãsemsã, bɩ y lebg n ges gom-zu-bi wã, wall y karem sull fãa sɩngr goam tɩ sõng-yã. Y sã n bãnga bõn-paalle, bɩ y mak n ges y sã n tõe n bilg-a-la ned t’a wʋm a võore. Y sã n wae n kʋmsd bũmb nins y sẽn zãmsdã, na n sõng-y lame tɩ y ra yĩmd tao-tao ye. Na n sõng-y lame me tɩ y bãng y sẽn tõe n tũ rẽ to-to.