Watchtower SƐB VAEESG ZĨIGA
Watchtower
SƐB VAEESG ZĨIGA
Moore
  • BIIBLE
  • SƐBA
  • TIGISSÃ
  • wp25 nimero 1 s.n. 14-15
  • Y sẽn tõe n paam bãan to-to baa zabã sẽn be wã

Video pa be zĩ-kãngã ye.

Video wã pa tõog n yi ye.

  • Y sẽn tõe n paam bãan to-to baa zabã sẽn be wã
  • Gũusg Gasgã moonda a Zeova Rĩungã (Nebã fãa yĩnga)—2025
  • Bũmb sẽn wõnd woto
  • Zabã namsda nebã wʋsgo
    Gũusg Gasgã moonda a Zeova Rĩungã (Nebã fãa yĩnga)—2025
  • Bõe la Biiblã yeta?
    Gũusg Gasgã moonda a Zeova Rĩungã (Nebã fãa yĩnga)—2017
  • Yãmb sẽn namsdã maanda Wẽnnaam bũmb bɩ?
    Gũusg Gasgã moonda a Zeova Rĩungã (Nebã fãa yĩnga)—2018
  • Bõe n na n kɩt tɩ zabã sa?
    Gũusg Gasgã moonda a Zeova Rĩungã (Nebã fãa yĩnga)—2025
Bũmb a taaba
Gũusg Gasgã moonda a Zeova Rĩungã (Nebã fãa yĩnga)—2025
wp25 nimero 1 s.n. 14-15
Nin-kẽem nug sẽn fiuug zabr sasa sẽn zĩ puus-puus zugu, n be yɩng ne a zakã rãmb n dat n dɩ.

Y sẽn tõe n paam bãan to-to baa zabã sẽn be wã

A Gaari sẽn da yaa sodaagã yeelame: “Nand tɩ m zãms Biiblã, m da pa wʋmd nen-kɛglmã sẽn yaa wʋsg woto wã, la yel-kɛgã ne zũnd-zãndã sẽn be dũniyã zugã võor ye. La masã m yam gãee bãane. M miime tɩ Wẽnnaam a Zeova na n wa kɩtame tɩ dũniyã lebg bãan zĩiga.”

Pa a Gaari bal n tagsd woto ye. Ges-y Biiblã sẽn sõng neb a taab to-to.

BIIBLÃ YETAME: “Yãmb a Zeova yaa sõma, la y kõt sugr wʋsgo.”—Yɩɩn-sõamyã 86:5.

RẼ SẼN SÕNGD TO-TO: “Vɛrse-kãngã kɩtame tɩ m kɩs sɩd t’a Zeova yaa nimbãan-zoɛta. M miime t’a na n sak n kõ-m-la sugr bũmb nins fãa m sẽn maane, m sẽn wa n yaa sodaag n zabdẽ wã.”—A Wilmaar sẽn be Kolõmbi wã.

BIIBLÃ YETAME: “Mam maanda sa-paals la tẽn-paalga. B pa na n tẽeg pĩnd yɛlã yelle, la bõn-kãens pa na n rãms sũur me ye.”—Ezayi 65:17.

RẼ SẼN SÕNGD TO-TO: “Bũmb nins m sẽn yã m sẽn wa n yaa sodaagã nams-m-la wʋsgo, hal tɩ ra lebg bãaga. La vɛrse-kãngã goamã kɩtame tɩ m miẽ tɩ ka la bilfu, a Zeova na n kɩtame tɩ m yĩm bũmb nins m sẽn mi n tẽegdẽ tɩ namsd-mã fasɩ, la a kɩt tɩ m da le gãe n zãmsd n yãt bõn-wẽns ye. M pa na n tol n le tags rẽ yell ye. Sɩd na n zĩnda yamleoogo!”—A Safira sẽn be Etazĩni wã.

BIIBLÃ YETAME: “A naamã rɩɩb wakate, nin-tɩrsã na n ninga puudu, tɩ laafɩ yɩ wʋsgo, n tãag kiuugã sẽn pa na n le wa beẽ.”—Yɩɩn-sõamyã 72:7.

RẼ SẼN SÕNGD TO-TO: “M wae n tagsda bõn-kãens yelle. Ka la bilfu, yel-beed nins zabã sẽn wat ne wã na n saame. D pa na n le maand yɩɩr tɩ bũmb na paam neb nins d sẽn nongã ye.”—A Alɛgsãndra sẽn be Ikrɛnnã.

BIIBLÃ YETAME: “Fo neb nins sẽn ki wã na n vɩɩmdame. . . . Yãmb a neb nins sẽn be tomẽ wã, nek-y n kaas-y sũ-noogo!”—Ezayi 26:19.

RẼ SẼN SÕNGD TO-TO: “B sẽn wa n zabd ne Tutsi-rãmbã, b kʋʋ tõnd zakã nebã fãa la bala. La vɛrse-kãngã goamã kɩtame tɩ m bas m yam tɩ m na n le yã-b lame. M gũuda wakat ning b sẽn na n vʋʋg tɩ m wʋm b koeesã ne yãgbo!”—A Maari sẽn be Ruwãnda wã.

BIIBLÃ YETAME: “Keta bilf bala, tɩ nin-wẽnsã pa na n le beẽ ye. . . . La sik-m-mens rãmbã na n sooga tẽngã. B na n paama sũ-noog wʋsgo, laafɩ wã sẽn na n yɩ wʋsgã yĩnga.”—Yɩɩn-sõamyã 37:10, 11.

RẼ SẼN SÕNGD TO-TO: “Baa zabrã sẽn sa wã, yel-kɛgã la nin-wẽnsã ket n beeme. Vɛrse-kãensã goamã kengda m raood wʋsgo. A Zeova nee bũmb fãa la a wʋmd m yɛlã võore. A pʋlmame tɩ ka la bilfu namsgã fãa na n saame tɩ d yĩm a yelle.”—A Dãniyɛll sẽn be Tazikɩstã wã.

Neb nins yell d sẽn gom seb-kãngã pʋgẽ wã naaga a Zeova Kaset rãmb milyõ-rãmbã sẽn paam tɩ Biiblã sõng-b tɩ b yamã gãe bãanã. B pa le tikd ned yĩng kõbgo, a buudu, wall a sẽn yitẽ n kis-a ye. (Efɛɛz rãmbã 4:31, 32) A Zeova Kaset rãmbã pa kẽesd b toog politikã yɛlẽ ye. B pa kẽesd b toog zabã pʋsẽ me ye.—Zã 18:36.

Sẽn paase, a Zeova Kaset rãmbã nonga taab wa zag-yɛng neba, n sõngd taaba. (Zã 13:35) Wala makre, wa n yɩɩ tɩlɛ t’a Alɛgsãndra sẽn yaa saam-bi-poak ning yell d sẽn zoe n gomã zoe ne a yao-bi-pugl n kẽng tẽn-zẽnga. A yeelame: “D sẽn paasg toadgã bala, d yãa a Zeova Kaset rãmb nins sẽn be tẽn-kãngã sẽn wa n na n deeg-do. B sõngrã kɩtame tɩ tẽn-kãng pʋgẽ zĩndg pa yɩ toog wʋsg ne-d ye.”

D boond-y lame tɩ y wa d tigissã, bala d sã n tigim taaba d zãmsda laafɩ koɛɛgã sẽn be Biiblã pʋgẽ wã, la d sẽn tõe n tũ-a to-to. Kẽ-y jw.org n bao tigsg zĩig sẽn pẽ ne yãmba, wall y kos t’a Zeova Kaset soab watẽ n zãmsd-y Biiblã ne Vɩɩmd-y wakat sẽn kõn sa! sebrã.

    Moorã Sɛba (1991-2025)
    Pag-y
    Pak-y
    • Moore
    • Toole
    • Y sẽn date
    • Copyright © 2025 Watch Tower Bible and Tract Society of Pennsylvania
    • Y sẽn segd n sake
    • Noy d sẽn tũudi
    • Paramètres de confidentialité
    • JW.ORG
    • Pak-y
    Toole