Y SẼN TÕE N SƖNG SÕSG TO-TO
SAK A 6
Tall-y raoodo
Biiblã sẽn yete: “Tõnd paama raood tõnd Wẽnnaamã maasem yĩnga, n moon yãmb Wẽnnaam koe-noogã.”—1 Tes. 2:2.
A Zeezi sẽn maan to-to
1. Ges-y VIDEO wã, wall y karem Luk 19:1-7. Rẽ poor bɩ y leok sogsgã:
Tõe tɩ yaa bõe yĩng la neb kẽer sẽn da pa nong a Zaase zĩigẽ wã?
Bõe yĩng t’a Zeezi sak n moon-a koɛɛgã baa ne rẽ?
A Zeezi sẽn maan to-to wã wilgda tõnd bõe?
2. D segd n talla raoodo, n tõog n moon ned buud fãa koɛɛgã.
Maan-y wa a Zeezi
3. Teeg-y-yã a Zeova. Ne vʋʋsem sõngã maasem, Wẽnnaam kõo a Zeezi pãng t’a moon koɛɛgã. A tõe n kõo yãmb me pãnga. (Mat. 10:19, 20; Luk 4:18) Kos-y-yã a Zeova t’a kõ-y raood tɩ y tõog n moon neb nins sẽn kẽesd-y rabeemã koɛɛgã.—Tʋʋ. 4:29.
4. Ra kaood-y nebã bʋʋd ye. D tõeeme n pa rat n gom ne neda, a sẽn yaa to-to wã yĩnga, a tarmã, a sẽn zãad a meng to-to wã, bɩ a sẽn tẽed bũmb ninsã yĩnga. La tẽeg-y-yã:
A Zeova ne a Zeezi tõe n bãnga sẽn be ned sũurẽ, la tõnd pa tõe ye.
Ned buud fãa tõe n paamame t’a Zeova sõng-a.
5. Tall-y raoodo, la maand-y gũusg me. (Mat. 10:16) Ra wẽed-y no-koɛɛm ne nebã ye. Ned sã n pa rat n kelg koɛɛgã, bɩ y sã n wa getẽ tɩ pa na n baas neere, bɩ y maan yam ne yam n kʋʋg sõsgã.—Yel. 17:14.