LEBG-Y N TƖ KAAG-Y NEBÃ
SAK A 9
Kʋmd-y y taabã nimbãanega
Biiblã sẽn yete: “Maan-y sũ-noog ne neb nins sẽn maand sũ-noogã, la y yãb ne neb nins sẽn yãbdã.”—Rom. 12:15.
A Zeezi sẽn maan to-to
1. Ges-y VIDEO wã, wall y karem Mark 6:30-34. Rẽ poor bɩ y leok sogsgã:
Bõe yĩng t’a Zeezi ne a tẽn-tʋmdbã ra rat n kẽng “zĩig neb sẽn ka beẽ”?
Bõe n kɩt t’a Zeezi sak n zãms kʋʋngã bũmb wʋsgo?
A Zeezi sẽn maan to-to wã wilgda tõnd bõe?
2. D sã n kʋmd d taabã nimbãanega, d wilgdame tɩ b yell pak-d lame, la tɩ d ratame me n taas-b koe-noogã.
Maan-y wa a Zeezi
3. Kelgd-y neere. Basd-y nebã tɩ b togsd sẽn be b sũurẽ. Ned sã n wa gomd bɩ y ra kʋʋg a goamã, wall n maan y toog kae ne a sẽn yetã, pa rẽ bɩ a sẽn tagsd bũmb ningã ye. Y sã n maag y yĩng n kelg-a, y wilgd-a lame tɩ y pa maand y toog kae ne a sẽn tagsd bũmb ningã ye.
4. Tagsd-y-yã a soabã yelle. Tags-y yãmb sẽn sõs ne-a bũmb ning zugã yelle, la y sok y meng yaa:
‘Bõe yĩng tɩ yaa tɩlɛ t’a bãng sɩdã sẽn be Biiblã pʋgẽ wã?’
‘A sã n zãms Biiblã, wãn to la na n sõng-a masã menga, la beoog-daare?’
5. Sõsd-y ne-a bũmb sẽn na n naf-a zugu. Wilg-y-yã-a Biiblã zãmsg sẽn tõe n sõng-a to-to t’a paam a sogsgã leoore, la rẽ sẽn tõe n sõng-a to-to yɛl kẽer wɛɛngẽ. Maan-y woto n da bas tɩ kaoos ye.