Gomd-y goam võor wʋmb sẽn yaa nana

A Zeezi sẽn maan to-to

VIDEO: A Zeezi rɩka makr n wilg d saasẽ Ba wã sẽn get d yell to-to

1. Ges-y VIDEO wã, wall y karem Matiye 6:​25-27. Rẽ poor bɩ y leok sogsgã:

1. A Zeezi rɩka makr ne bõe, n wilg a Zeova sẽn get d yell to-to wã?

2. Baa ne a Zeezi sẽn da mi bũmb wʋsg liuuli wã zugã, bõe yell bal la a gom-yã? Bõe yĩng tɩ rẽ yaa mak-sõng nebã zãmsgã wɛɛngẽ?

A Zeezi sẽn maan to-to wã wilgda tõnd bõe?

2. D sã n tũnugd ne goam võor wʋmb sẽn yaa nana n zãmsd nebã, b na n tẽra bũmb nins d sẽn zãms-bã, na n kẽe b sũyã me.

Maan-y wa a Zeezi

3. Ra gomd-y wʋsg ye. Bũmb ning wɛɛngẽ, pa tɩlɛ tɩ y togs y sẽn mi wã fãa ye. Gomd-y bũmb ning sẽn be sebr ning y sẽn tar n zãmsd a soabã Biiblã pʋgẽ wã yell n tɩ yɩɩda. Y sã n sok a soabã sokre, bɩ y maag y yĩng n gũ t’a leoke. A sã n pa mi sokrã leoore, wall a sã n leok tɩ pa zems ne Biiblã sẽn yetã, bɩ y le sok sokr a to sẽn na n sõng-a t’a tags neer n tõog n leoke. A sã n wʋm a võore, bɩ y kẽng ne sẽn pʋgdã.

4. Tũnug-y ne a sẽn zoe n mi bũmb ninsã n sõng-a t’a bãng bũmb a taab n paase. Wala makre, nand tɩ y sɩng sak sẽn gomd kũum vʋʋgrã yell zãmsgo, y tõe n lebg n gesa a sẽn zoe n bãng bũmb ning Biiblã sẽn yet sẽn ki-bã wɛɛngẽ wã koɛɛg-koɛɛga.

5. Rɩkd-y makr sẽn zemse. Nand tɩ y rɩk makre, sok-y y meng yaa:

1. a. ‘Makrã mam sẽn na n dɩkã võor wʋmb yaa nana sɩda?’

2. b. ‘Mam Biibl karen-biigã na n wʋma a võor nana sɩda?’

3. d. ‘Na n sõnga karen-biigã t’a tẽeg b sẽn dat t’a bãng bũmb ningã la pa makrã bal bɩ?’