Pipi ziri wã: Sɩɩg pa kiid ye

Sɩnga wãn tɩ b wa tẽed woto? Ad sebr a yembr sẽn yeele: “Kiris-neb nins sẽn yɩ pipi n lebg Filozof rãmbã saka Gɛrɛs nebã sẽn yet tɩ ninsaal tara sɩɩg sẽn pa kiidi, la tɩ sɩɩgã yaa bũmb Wẽnnaam sẽn ning yĩngã pʋgẽ a naanegã wakatã.”—The New Encyclopædia Britannica (1988) volim 11, a neng 25 wã.

Bõe la Biiblã yeta? “Bãmb na n maana yõore, n leb n leb tẽnga tomẽ. Baraar bala bãmb tagsg na n sɛɛme.”—Yɩɩl 146:4.

Biiblã yetame me tɩ “kũum ka mi bũmb ye.” La a paas tɩ sẽn ki-bã “nonglmã ne b kisgrã me fãa sɛɛme,” la tɩ “tʋʋmd ne tagsgo la yam ne bãngre ka be kɩɩm-kulgu,” kiid sẽn dabdẽ wã ye. (Koɛɛg Soaba 9:5, 6, 10) Ninsaal yaa kiida, la a kũum poore, bũmb pa yit a yĩngẽ wã n ket n vɩ ye. Tõnd vɩɩmã yaa wa fɩtl bugum. Bugmã sã n ki, a pa kẽngd ni ye. A kiime bala.

Sɩɩg pa kiidã tẽeb wata ne sogs-kãensã: Ned sã n ki, yɛ la a sɩɩgã kẽngda? Nin-wẽng kũumẽ, bõe n paamd a sɩɩgã? Kiris-neb kẽer sẽn wa n yik n tẽed zãms-kãngã sẽn yaa ziri wã, kɩtame tɩ b sak bũmb a to me sẽn yaa ziri. B yik n zãmsda b nin-buiidã tɩ bugum yir n be.

Ges-y Biiblã vɛrse kãensã me: Koɛɛg Soaba 3:19, 20; Matɩe 10:28; Sɩngre 3:19.

SƖDÃ LA WOTO:

Ned sã n ki, bũmb pa yit a yĩngã pʋgẽ n ket n vɩ ye