Sogsg Biiblã sẽn leokde

Bõe yĩng tɩ Wẽnnaam naan tẽngã?

Wẽnnaam sẽn naan tẽngã to-to wã kɩtame tɩ d tõe n vɩɩmd a zugu. Wala makre, koom sẽn yaa tɩlae ne-dã yĩnga, a kɩtame tɩ koom wʋsg be tẽngã zugu. Wẽnnaam naana tẽngã t’a bũmba fãa zemse. Makre, kʋɩlsã koom pa tol n tõe n maag wʋsg n lebg galaase, pa rẽ bɩ wɩng tɩ loog nug n lebg walem n sa zãng ye. Sẽn paase, wĩndgã pa pẽ ne tẽngã wʋsg n tõe n sãam bũmb ye. Pemsmã bõn-vɩɩlɩ wã sẽn vʋʋsdã yaa tɩlae ne-ba, la kogend-b ne bũmb toor-toor me. Tɩɩsã la bõn-vɩɩlɩ wã nafda taab hal tɩ be yamleoogo. Kɩtame tɩ yaa tẽngã zug bal la ninsaal tõe n vɩɩmde. Woto fãa kɩtame tɩ wʋsg sak n deeg tɩ Wẽnnaam naana tẽngã n dat tɩ neb zĩnd a zugu.—Karm-y Ezai 45:18.

La tõe tɩ y sokda y meng woto: “Wẽnnaam sã n naanã tẽngã n dat tɩ neb zĩnd a zugu, nebã sẽn namsd tɩ kẽer maand yel-kɛgã me yaa a raab bɩ?”—Karm-y Tõod 32:4, 5.

Wẽnnaam daabã na n pidsame bɩ?

Wẽnnaam naana tẽngã n da rat tɩ neb sẽn waoogd taab la b nong b Naandã vɩɩmd a zug ne sũ-noogo. Woto wilgdame tɩ ninsaal barkã yɩɩda rũng la tɩɩga. Sɩd me, tõnd tõe n bãnga d Naandã sẽn yaa a soaba, n pẽg-a, la d bɩɩs nonglem la tɩrlem wa yẽ.—Karm-y Koɛɛg Soab 12:13; Miise 6:8.

D Naandã tõe n kɩtame t’a sẽn dat fãa pidsi. Dẽnd d tõe n basa d yam t’a na n menesa namsgã buud fãa ne tʋʋm-kɛgã, la a maneg tẽngã tɩ ãdem-biisã tõog n vɩɩmd a zug ne sũ-noogo.—Karm-y Yɩɩl Sõamyã 37:11, 29; Ezai 55:11.

Y sã n dat n bãng n paas bɩ y ges Biiblã sɩd yetame tɩ bõe? sebrã sak a 3 wã. A Zeova Kaset rãmbã n yiis-a.

Y leb n tõe n kẽe www.jw.org n telesarz seb-kãngã.