Bõe la Biiblã yeta?
Wẽnnaam Rĩungã yaa bõe?
NEB KẼER YETAME tɩ yaa bũmb sẽn be ned fãa sũurẽ. Sãnda tagsdame tɩ yaa ninsaalbã sẽn na n wa tõog tɩ laafɩ la zems-n-taar hakɩɩk zĩnd dũniyã gill zugu.
La yãmb yẽ?
BIIBLÃ SẼN YETE
“Saasẽ Wẽnnaamã na n kɩtame tɩ rĩung sẽn ka sãamd zĩndi. . . . Yẽnda na n wãa [ãdem-biisã] soolem-bãmb fãa n menes-ba.” (Dãniyɛll 2:44) Rẽnd Wẽnnaam Rĩungã bɩ a soolmã yaa goosneema sɩd-sɩda.
RẼ WƐƐNGẼ, BÕE ME LA D TÕE N BÃNG BIIBLÃ PƲGẼ?
Wẽnnaam Rĩungã bɩ a soolmã bee saasẽ.—Matye 10:7; Luk 10:9.
Ne Rĩungã maasem, Wẽnnaam na n kɩtame t’a raabã maan tẽng zug ka, wa sẽn maand saasẽ wã.—Mat. 6:10.
Wakat-bʋg la a na n wa?
Y NA N LEOKAME TƖ . . .
Ned baa a ye pa mi ye
Ka la bilfu
A pa na n tol n wa ye
BIIBLÃ SẼN YETE
“Wẽnnaam soolmã koe-no-kãngã na n moona dũni gill fãa, tɩ yɩ kaset soolem toay-toayã fãa nebã yĩnga. Dẽ, wakat sɛɛb na yaool n ta.” (Matye 24:14) Rẽnd yaa b sã n wa moon koe-noogã dũniyã gill fãa la Wẽnnaam Rĩungã na n yaool n wa sãam dũniyã.
RẼ WƐƐNGẼ, BÕE ME LA D TÕE N BÃNG BIIBLÃ PƲGẼ?
Ned baa a ye pa tõe n bãng Wẽnnaam Rĩungã sẽn na n wa wakat ningã takɩ ye.—Matye 24:36.
Biiblã bãngr-goam wilgdame tɩ Wẽnnaam Rĩungã na n waa ka la bilfu.—Matye 24:3, 7, 12.