Wẽnnaam Rĩungã yaa bõe?
Neb wʋsg pʋʋsdame n kotẽ tɩ Wẽnnaam Rĩungã wa. La yãmb zoe n soka y meng n ges Wẽnnaam Rĩungã sẽn yaa a soaba, la a sẽn na n wa maan bɩ?
AD BIIBLÃ SẼN YETE:
Wẽnnaam Rĩungã yaa bõe?
Yaa goosneema sẽn be saasẽ, t’a Zeezi Kirist la Rĩmã.—Ezayi 9:6, 7; Matiye 5:3; Luk 1:31-33.
Bõe la Wẽnnaam Rĩungã na n wa maane?
A na n kɩtame tɩ wẽnem buud fãa sa, la a kɩt tɩ ninsaalbã vɩɩmd ne laafɩ tẽngã zugu, wakat sẽn kõn sa.—Dãniyɛll 2:44; Matiye 6:10.
Reng n bao Rĩungã rat n yeelame tɩ bõe?
Rat n yeelame tɩ d teel Wẽnnaam Rĩungã, la d kɩs sɩd tɩ yaa Rĩun-kãng bal n na n kɩt tɩ bũmb fãa yɩ wa Wẽnnaam sẽn dat to-to wã tẽngã zugã.—Matiye 6:33; 13:44.