Vaees-y a Zeova Gomdã daar fãa!
1 Daar fãa tara yel-tood paals sẽn makd yãmb tẽebã. Tõe tɩ y mit sẽn yaa dũniyã ned tara yãmb pẽdgr tɩ y wa tɩ y yit ne taaba. Yãmb karen-saamb datame tɩ y pʋg dũniyã nug-tʋʋmde, bɩ y tʋʋmdã taoor soab n dat tɩ y tʋʋm lɛɛr dãmb n paase. Tõeeme tɩ yaa yãmb yĩns laafɩ wã n boogda. Baa y sẽn tõe n seg magsa a woto wakat buud fãa wã, y ka y yembr ye. A Zeova segl n saame n na n kõ-y yam ning sẽn yaa tɩlae wã tɩ y mao ne-ba. Biiblã verse la a komantɛɛr vaeesg D Vaees Gʋlsgã pʋgẽ yaa manesem a yembr y sẽn tõe n tũnug ne n zãmsd a Zeova Gomdã n ka vaandẽ ye. Yãmb dɩta segl-kãngã nafa bɩ?
2 Sõngr beeme: Ezai 30:20 (NW) bilgda a Zeova wa ‘Karensaam Kãseng’ Wẽnnaam nin-buiidã sẽn tõe n teeg n paam sõngre. A kõta yãmb sõngr ning y sẽn datã bal kɛpɩ tɩ y mao ne yel-tood nins sẽn makd y tẽebã. Wãn-wãn to? Verse ning sẽn pʋgdã wilgda woto: “Yãmb tʋba na n wʋma gomd sẽn gomd yãmb poorẽ wã n yetẽ: ‘Ad sore bɩ y kẽne.’ ” Rũndã-rũndã a Zeova tũnugda ne Biiblã la ‘kɩs-sɩd yambã’ sɛb n togsd a ‘gomdã.’ (Mat. 24:45, NW) Pĩnd Gũusg Gasgã sõss yen-yen pʋsẽ, yam sẽn labs wʋsg sẽn tɩ loe ne kiris-ned vɩɩmã nens fãa la bal n be be. Y sã n lebg n ges b rãmb nins goam b sẽn lebs n dɩk D Vaees Gʋlsgã pʋgẽ wã, rẽ na n sõng-y lame tɩ y tigim bãngr yõod b sẽn ka tõe n bãng n bilgi, sẽn na n sõng-y tɩ y mao ne makr buud fãa.—Ezai 48:17.
3 Bao-y weer rẽ yĩnga: Baa ne yibeoog fãa sẽkã sẽn da kae wʋsgã, ma a yembr rɩka sard kãn-kãe n na n karemd verse wã ne a komantɛɛrã ne a biribl la b sõsd a zugu no-soakã sasa. Yaa gom-kãensã ne pʋʋsgã la biriblã wʋmd yaoolem la a yaool n kẽng lekoll yibeoog fãa. Gom-kãensã kõ-a-la pãng t’a kɩɩs pag ne rao lageng b sẽn bool-a t’a wa tɩ b maane, t’a rɩk sard kãn-kãe n kɩɩs tẽn-nonglem, t’a kõ karen-biisã la karen-saam dãmbã kaset ne raoodo. Baa yẽ a ye bal sẽn da yaa Kaset soab lekollẽ wã, a zɩ n tags t’a ya a yembr ye.
4 Teeg-y a Zeova la a Gomdã n paam toglg la saglgo. Y sã n maan woto, a na n yɩɩ ned sɩd-sɩd ne yãmba, wala zoa y sẽn tar bas-yard ne. Bao-y sõngr a nengẽ daar fãa! Bɩ y lagem ne neb milyõ rãmb a taabã dũniyã gill zug sẽn vaeesd Wẽnnaam Gomdã daar fãa wã n yã tɩ y nina lebga ‘nin sẽn yãt y Karensaam Kãsengã.’