Bũmb ning d sẽn na n yeel n wilg zʋrno rãmbã

Gũusg Gasgã Sɩpaolg 15

“Tõnd wʋmdame tɩ neba yetẽ t’a ‘Zezi kii tõnd yĩnga.’ [Togs-y Zã 3:16 goama.] Rẽ yĩnga yãmb zoe n sʋka y meng n gese, wãn-wãn la ned a yembr kũum tõe n fãag tõnd fãa bɩ? [Bas-y t’a leoke.] Biiblã leokda sʋk kãngã nana-nana. Sõs-kãngã gom-zug sẽn yaa ‘Wãn-wãn to la a Zezi fãagdã?’ wilgda rẽ võor vẽenega.”

Réveillez-vous! 22 Nov.

“Ninsaalbã maanda b sẽn tõe fãa n kogend zĩigã t’a ra sãam bɩ? [Bas-y t’a leoke.] Neb wʋsg sʋkda b mens n dat n bãng kɩls-tɩ-zems ning sẽn be tẽngã bõn-vɩɩlɩ ne taab sʋkã sã n na n tõog n kell n paa woto wakat fãa. Zu-noogo, yel-kãngã yaa yell sẽn pak Wẽnnaam wʋsgo. [Karm-y Nehemi 9:6.] Réveillez-vous! gomda bũmb ning sẽn wat ka la bilf tẽngã bõn-vɩɩlɩ wã yĩngã yelle.”

Gũusg Gasgã Yʋʋm-sar 1

“Yʋʋmdã wakat kãngã, neb wʋsg kõta b taab kũun la b maand yel-sõm a taaba. Rẽ tẽegda tõnd No-sõngã yelle. [Karm-y Matɩe 7:12.] Yãmb tagsdame tɩ tõnd tõe n tũu no-kãngã yʋʋmdã tõr pʋgẽ bɩ? [Bas-y t’a leoke.] Zʋrnall kãngã tara yɛl sẽn tõe n sõng tõnd tɩ d tagse, tɩ be sõss sẽn tɩ loe ne gom-zug ning sẽn yaa ‘No-sõngã ket n tara yõod bɩ?’ wã pʋsẽ.”

Réveillez-vous! 8 Déc

“Biiblã kãabdame tɩ daar n wat tɩ ned ba a yembr ka na n le tõog n yeel ‘t’a ka laafɩ ye.’ [Karm-y Ezai 33:24.] Wa sẽn zems ne kãab-kãngã, Réveillez-vous! wã seb-kãngã gomd n tadgda bãag sẽn namsd neb milyõ rãmb yell zugu, kamb la sẽn kʋʋl-b fãa. A gom-zugã yaa ‘Saagr sẽn bẽed-b yĩngã sũgds bãasã yĩnga.’ M tara hakɩk tɩ y na n yãame tɩ sõs-kãensã kõta zãmsgo.”