Ket-y n dɩt Gũusg Gasgã la Réveillez-vous ! wã kareng nafa!

Masã b sẽn ka le maand Gũusg Gasgã la Réveillez-vous ! wã abonema wã, d segd n ket n mogdame tɩ tõnd mengã la neb nins d sẽn moondã ra kong zʋrnall ba a yembr ye.

Tõnd mengã rẽnda: Yãmb mengã sã n maana abonema tɩ sɛ bɩ y paas y zʋrno rãmbã komand sẽn get-a zʋrno rãmbã yell nengẽ. Roagdbã segd n kosa zʋrno rãmb tɩ seke, tɩ zakã ned fãa tõog n paam a meng zʋrnalle. Gʋls-y y yʋʋrã y mengã rẽnd zugu, sẽn na yɩl n da wa tudg n bas-a ne neb moonegã wakat ye. Zʋrno rãmbã sã n wa, saam-biis nins sẽn get rẽ yellã na n kɩtame tɩ tao-tao bal bɩ b tõog n paam-b Rĩungã Roogẽ.

Zʋrno rãmbã pʋɩɩb soaya: Koe-moondbã segd n tuka zʋrno rãmb pʋɩɩb soay tɩ sẽn dat-b zʋrno rãmbã fãa tõog n paam b mens rẽnda. Tõnd mengã sã n kẽnd n kõt nebã zʋrno rãmbã, kɩtdame tɩ d tõe n gʋʋl nin-kãensã ratmã la d sɩng Biibl zãmsg ne-ba.—Ges-y yʋʋmd 1998, zĩ-likr kiuug Rĩungã Tʋʋmde, seb-neng a 8.

Neb nins yell sẽn ka wõnd b taabã: Ned sã n wilg t’a sɩd rata zʋrno rãmbã n be mooneg zĩigẽ tiging sẽn ka so, b tõe n sakame tɩ nin-kãng soabã paam zʋrno rãmbã ne abonema wã maasem. Ned tõe n bee tigingã mooneg zĩigẽ tɩ b ka tõe n taas-a zʋrno rãmbã ne zʋrno rãmb pʋɩɩb soayã maasem ye. Sã n yaa woto bɩ y togs Tigingã Tʋʋmd Sull neb yellã. B sã n sake, b tõe n maana abonema nin-kãng soabã yĩnga. B tõe n tũnuga ne b sẽn da mi n dɩkd sɛb nins n maand abonema rãmbã (M-1 la M-101) n maan dẽ.

D tõe n talla bas-yard t’a Zeova na n ket n barkda modgr ning d sẽn maand n moond Rĩungã ne Gũusg Gasgã la Réveillez-vous ! wã maasmã.