Y tog n gesa No Blood—Medicine Meets the Challenge video wã

Yãmb mii tɩt toɛy-toɛy nins b sẽn tõe n dɩk n tɩbs ned n ka tũnug ne zɩɩmã bɩ? Yãmb mii b sẽn tʋmd to-to bɩ? Ges-y video kãngã n bãng y sã n mii sogsg nins sẽn pʋgdã leoore. Roagdbã sã n wa get video kãngã ne b kom-bõonegã b segd n maana gũusgu, zĩis n be be tɩ b wilgd b sẽn maand neb wopeere koɛɛg-koɛɛga.

1) Sẽn yɩɩd fãa yaa bõe yĩng la a Zeova Kaset rãmbã sẽn zãgsd zɩɩmã ningrã, la yaa Biiblã zĩ-bʋg la b yãt no-kãnga? 2) Bõe la tõnd rat logtor yir tɩbsgã wɛɛngẽ? 3) Bãad dãmbã dʋrwa kãsems la bʋse? 4) Bõe yĩng tɩ yaa bũmb sẽn zems la sẽn segd tɩ ned zãgs zɩɩmã? 5) Ned zɩɩm sã n yi wʋsgo, yel-bʋs a yiib n segd n pak logtoɛɛmbã n tɩ yɩɩda? 6) Zɩɩmã ningr tõe n waa ne bã-bʋse? 7) Tʋʋm-te-bʋs la logtoɛɛmba tar n tõe n tũnug ne sẽn na yɩl tɩ zɩɩmã ra yi wʋsg wopeergã wakate? 8) Bõe la yãmb segd n tʋlg tɩ b togs-y tɩt nins sẽn tõe n ledg zɩɩmã ningr zĩigẽ wã wɛɛngẽ? 9) Rẽ yĩnga b tõe n maana wopeer kãseng sẽn yaa toog n ka ning zɩɩm bɩ? 10) Bõe la logtoɛɛmb wʋsg sakd n na n maan a Zeova Kaset rãmbã yĩng masã, la bõe n tõe n wa baas n yɩ tɩbsg manesem bãad dãmbã fãa yĩnga?

Sãmbg sẽn ka be, yɩta sõma tɩ y bao n ges Pas de sang video wã ne Biibl zãmsdba, kẽed-n-taas bɩ roagdb sẽn pa Kaset rãmba, tʋmd-n-taase, karen-saam dãmba, la karen-biisi, sẽn tõe n wa sok tõnd d tagsg zɩɩmã ningr zugã. Tɩbsg ning b sẽn wilg video wã pʋgẽ wã sakr bee ne ned kam fãa sũur kaset sẽn kõt-a sor t’a rɩk sard ninga.—Ges-y “Yãmb Sogsgã Leoorã” sẽn be yʋʋmd 2000, sigr kiuug rasem 15 Gũusg Gasgã pʋgẽ (ne farende), la sɩpaolg kiuug 1 daar Gũusg Gasgã (ne moore) pʋsẽ.