Rɩ-y Pas de sang : la médecine relève le défi video wã yõodo

Hal sẽn ta zĩ-bʋg la yãmb mi tɩbsg toɛy-toɛy nins sẽn ka tũnugd ne zɩɩmã? Yãmb mii tɩbsg nins sẽn ledgd zɩɩm ningrã sẽn yaa b rãmba, la b sẽn tʋmd to-to bɩ? Ges-y video kãngã, la y mak y bãngrã ne sogs-kãensã.—Vẽnegre: Video wã sẽn tar zĩis b sẽn wilg wopeere b sẽn maand koɛɛg-koɛɛgã yĩngã, roagdbã segd n maana gũusgu, b sã n wa yãkd yam ne b sã n na n sakame tɩ b kambã ges video wã bɩ b pa na n ges-a.

1) Sẽn yɩɩd fãa, yaa bõe yĩng la a Zeova Kaset rãmbã sẽn zãgsd zɩɩmã, la yaa Biiblã zĩ-bʋg la b yãt no-kãnga? 2) Tɩbsgã wɛɛngẽ, tõnd sẽn dat yaa bõe? 3) Bãad dãmbã dʋrwa kãsems la bʋse? 4) Bõe yĩng tɩ yaa bũmb sẽn zemse, la yaa yam tʋʋmd tɩ d zãgs zɩɩmã? 5) Ned zɩɩm sã n daag wʋsgo, yel-bʋs a yiib la logtoɛɛmbã segd n maan zĩig pʋgẽ? 6) Bã-bʋs la zɩɩmã ningr bɩ a reegr tõe n wa ne? 7) Tʋʋm-te-bʋs kẽer la logtoɛɛmbã tõe n tall n maan wopeere wã tɩ zɩɩmã ra yi wʋsgo? 8) Bõe la yãmb segd n bãng tɩbsg buud fãa sẽn ledgd zɩɩmã ningr wɛɛngẽ? 9) Rẽ yĩnga b tõe n maana wopeere sẽn yaa toog wʋsg n ka ning a soabã zɩɩm bɩ? 10) Bõe la logtoɛɛmb sõor sẽn paasd sakd n maand n kõt a Zeova Kaset rãmbã, la bõe n na n wa baas n lebg noor nebã sẽn na n tũud bãad dãmbã tɩbsg wɛɛngẽ?

Tɩbsg nins fãa b sẽn wilg video kãngã pʋgẽ wã sakr bee ne ned kam fãa yam-yãkr la a sũur kaseto.—Ges-y yʋʋmd 2004, sigr kiuug rasem 15 Gũusg Gasgã (ne farende), s.n. 22-4, 29-31, la yʋʋmd 2000, sɩpaolg kiuug pipi daar Gũusg Gasgã, s.n. 30-1.