Sagls Tẽegrã yĩnga

Rõandã b na n maana Tẽegrã arbã, tʋʋl-nif kiuug rasem 16. Kãsem dãmbã segd n maana yɛl nins sẽn pʋgdã:

◼ Y sã n wa yãkd tigisgã wakate, bɩ y kɩs sɩd tɩ b ka na n pɩʋʋg ne burã la divẽ wã nebã taoor tɩ sã n ka wĩndgã lʋɩɩs poor ye.

◼ B segd n togsa sõs-kõtã la neb a taaba fãa Tẽegrã maaneg zĩig la a wakat takɩ.

◼ B segdame n pĩnd n bao la b segl bur la divẽ nins sẽn zemsã.—Ges-y yʋʋmd 1985, wao-fugdg kiuug rasem 15, Gũusg Gasgã (farende), seb-neng 17.

◼ B segdame n bao laase, vɛɛr dãmba, la taabl ne peen-lutg sẽn zemse, n tall-b pĩnd n wa Tẽegrã maaneg zĩigẽ la b segl-ba.

◼ B segd n denga pĩnd n pɩɩs la b yẽes Rĩungã Roog bɩ Tẽegrã maaneg zĩig sõma.

◼ B segd n dengame n yãk neb-rɛɛgdbã la sẽn na n pɩʋʋg-b ne burã la divẽ wã, n wilg-b tʋʋm nins b sẽn segd n maanã, la b sẽn segd n maan-b to-to me. Sẽn paase, b segd n ninga fut tɩ zems la b maneg b mens ne burkĩndi.

◼ Ned sẽn zae ne vʋʋsem sõng sã n yaa koams bɩ a sã n ka tõe n wa, b segdame n tɩ kõ-a burã la divẽ wã.

◼ Tigims wʋsg sã n tũnugd ne Rĩung Roog a yembre, b segd n zemsa taab sõma. Rẽ yaa sẽn na yɩl tɩ neba ra wa gũm taab n yãmb rig-noyã, soaya kɩremse, la bõn-zombdɩ wã gaarg zĩis ye. Zĩig ning rẽ sẽn tõe fãa, yɩta sõma tɩ b bas tɩ minit 45 loog tɩ tiging a to wã yaool n maan Tẽegrã.