Sagls Tẽegrã yĩnga

Rõndã b na n maana a Zezi kũumã Tẽegrã tʋʋl-nif kiuug rasem 12, arbã daare. Kãsem dãmbã segd n gesa yɛl nins sẽn pʋgdã yelle:

◼ Y sã n wa yãkd Tẽegrã maaneg wakate, bɩ y bãng tɩ b pa segd n pɩʋʋg ne burã la divẽ wã nebã taoore, tɩ wĩndgã nan pa lʋɩ ye.

◼ B segd n togsa sõsdã la nebã fãa b sẽn na n maan Tẽegrã zĩig ningã la a wakatã takɩ.

◼ B segd n pĩnd n kɩtame tɩ b segl burã, la b bao divẽ ning sẽn zemsã n dɩgle.—Ges-y yʋʋmd 2003, tʋʋlg pipi raar Gũusg Gasgã, a seb-neng 10, 11.

◼ B segd n baoa laase, vɛɛr dãmb la taabl ne peen-lutg sẽn zems n tall-b pĩnd n wa Tẽegrã maaneg zĩigẽ.

◼ B segd n deng n pĩnd n pɩɩsame la b yẽes Rĩungã Roog bɩ Tẽegrã maaneg zĩig sõma.

◼ B segd n deng n yãka sẽn na n deeg-b nebã la neb nins sẽn na n pɩʋʋg ne burã la divẽ wã, n wilg-b tʋʋm nins b sẽn segd n maanã, la b sẽn segd n maan-b to-to me. Sẽn paase, b segd n ninga fut la b maneg b mens tɩ zemse.

◼ Ned sẽn zae ne vʋʋsem sõngã sã n yaa bãad n pa tõe n wa, b segd n tɩ kõ-a-la burã la divẽ wã.

◼ Tigims wʋsg sã n tigimd taab Rĩung Roog a ye pʋgẽ, b segd n zemsa taab sõma sẽn na yɩl tɩ nebã ra wa gũm taab parkĩngã zĩigẽ ye.