Sagls Tẽegrã yĩnga

Rõndã d na n maana a Zezi kũumã Tẽegr tʋʋl-nif kiuug rasem a 2, tẽne wã daare. Kãsem dãmbã segd n gesa yɛl nins sẽn pʋgdã yelle:

◼ Y sã n wa yãkd Tẽegrã maaneg wakate, bɩ y bãng tɩ b pa segd n pɩʋʋg ne burã la divẽ wã nebã taoore, tɩ wĩndgã nan pa lʋɩ ye.

◼ B segd n togsa sõsdã la nebã fãa b sẽn na n maan Tẽegrã zĩig ningã la a wakatã takɩ.

◼ B segd n deng n baoa burã la divẽ ning sẽn yaa sõma wã n dɩgle.—Ges-y yʋʋmd 2003, tʋʋlg kiuugã pipi raar Gũusg Gasgã, a seb-neng 10, 11.

◼ B segd n baoa laase, vɛɛr dãmb la taabl ne peen-lutg sẽn zems n tall-b pĩnd n wa Tẽegrã maaneg zĩigẽ.

◼ B segd n deng n pɩɩsame la b yẽes Rĩungã Roog bɩ Tẽegrã maaneg zĩig sõma.

◼ B segd n deng n yãka sẽn na n deeg-b nebã la neb nins sẽn na n pɩʋʋg ne burã la divẽ wã, n wilg-b tʋʋm nins b sẽn segd n maanã, la b sẽn segd n maan-b to-to me. Sẽn paase, b segd n ninga fu-sõma la b maneg b mens tɩ yaa sõma.

◼ Ned sẽn paam vʋʋsem sõngã zaeeb sã n yaa bãad n pa tõe n wa, b segd n tɩ kõ-a-la burã la divẽ wã.

◼ Tigims wʋsg sã n tigimd taab Rĩung Roog a ye pʋgẽ, b segd n zemsa taab sõma sẽn na yɩl tɩ nebã ra wa gũm taab rig-noorẽ wã la parkĩngã zĩigẽ ye.