Sagls Tẽegrã yĩnga

Rõndã b na n maana a Zezi kũumã Tẽegr lamusã, tʋʋlg kiuug rasem 24. Kãsem dãmbã segd n maana yɛl nins sẽn pʋgdã:

◼ Y sã n wa yãkd Tẽegrã maaneg wakate, bɩ y bãng tɩ b pa segd n pɩʋʋg ne burã la divẽ wã nebã taoor tɩ wĩndgã nan pa lʋɩ ye.

◼ B segd n togsa sõsdã la neb a taaba fãa b sẽn na n maan Tẽegrã zĩig ningã la a wakata takɩ.

◼ B segd n pĩnd n segla burã, la b bao divẽ ning sẽn zemsã n dɩgle.—Ges-y yʋʋmd 2003, tʋʋlg pipi raar Gũusg Gasgã, a seb-neng 10, 11.

◼ B segd n baoa laase, vɛɛr dãmb la taabl ne peen-lutg sẽn zems n tall-b pĩnd n wa Tẽegrã maaneg zĩigẽ.

◼ B segd n denga pĩnd n pɩɩs la b yẽes Rĩungã Roog bɩ Tẽegrã maaneg zĩig sõma.

◼ B segd n deng n yãka sẽn na n deeg-b nebã la neb nins sẽn na n pɩʋʋg ne burã la divẽ wã, n wilg-b tʋʋm nins b sẽn segd n maanã, la b sẽn segd n maan-b to-to me. Sẽn paase, b segd n ninga fut tɩ zems la b maneg b mens ne burkĩndi.

◼ Ned sẽn zae ne vʋʋsem sõngã sã n yaa koams bɩ a sã n pa tõe n wa, b segd n tɩ kõ-a-la burã la divẽ wã.

◼ Tigims wʋsg sã n tigimd taab Rĩung Roog a ye pʋgẽ, b segd n zemsa taab sõma sẽn na yɩl tɩ neba ra wa gũm taab n yãmb rig-noyã, soaya kɩremse, la bõn-zombdɩ wã gaarg zĩis ye.