Tigims gĩn sull la tẽn-tẽns tigis-kãsemsã sõngd-d lame tɩ d pẽg Wẽnnaam!

“Pẽg-y Wẽnnaam” tigims gĩn sull la tẽn-tẽns tigis-kãsemsã d sẽn nan paamã kõo kaset sẽn yaa kãsenga. Tigis-kãensã sẽn tar yõod wʋsgã d sẽn pids Wẽnd sor-wilgr pʋgẽ wã sõngame tɩ d pẽg a Zeova yʋʋrã. (Yɩɩl 96:8) Hakɩka, a Zeova sɩd zemsa ne pẽgre, bõn-kãsems nins a sẽn naanã fãa sẽn pukd a zʋg-kãsemsã yĩnga.—Zoob 37:14; Wil. 4:11.

Tũnug-y ne sogsg nins sẽn pʋgdã ne y not rãmbã n segl la y kẽes y meng tigis-kãsenga lebg-n-ges d sẽn na n maan wao-fugdg kiuugã rasem 23 semena.

1. Wãn-wãn la bũmb nins Wẽnd sẽn naan tɩ pa vɩ wã wilgd a ziirã, la wãn to la woto yaa toor ne ninsaalbã sẽn pẽgd-a to-to wã? (Yɩɩl 19:2-4; “Bõn-naandsã fãa wilgda Wẽnnaam ziiri.”)

2. Yel-bʋg sẽn be masã la a Zezi tedgrã ra makda, la zĩ-bʋg wɛɛngẽ la rẽ kõt kiris-nebã pãng rũndã-rũndã? (Gom-zu-raoog sõsgã: “Yɛl nins sẽn wat beoog-daarã vẽnegr sẽn tar ziirã paasda tõnd pãnga.”)

3. Wãn-wãn la d tõe n bɩɩs la d tall sik-m-meng buud ning no-rɛɛs a Daniɛll sẽn tallã, la wãn-wãn la rẽ maaneg na n naf-do? (Dan. 9:2, 5; 10:11, 12; “A Zeova pukda a ziirã sik-m-mens rãmbã.”)

4. a) Yɛl a tãab bʋs la d tõe n zãms a Amos bãngr-gomdã pʋgẽ Wẽnd bʋ-kaoorã wɛɛngẽ? (Amos 1:3, 11, 13; 9:2-4, 8, 14) b) Zãms-bʋg sẽn yaa vẽeneg la a Zeova Kaset rãmba tõe n paam keoogr ning sẽn be Amos 2:12 wã pʋgẽ rũndã-rũndã? (“Koɛɛg ning a Amos bãngr-gomdã sẽn tar tõnd wakatã yĩnga.”)

5. a) Baa ned sã n pa yũud rãam n suuda, zu-loees-bʋs la rãamã yũub wʋsgã wat ne? b) Wãn-wãn la ned tõe n mao ne rãamã yũub wʋsgã? (Mark 9:43; Ef. 5:18; “Lak-y y meng ne bẽdg ning sẽn yaa rãamã yũub wʋsgã.”)

6. Wãn to la y zoe n dɩt seb-paall ning gom-zug sẽn yaa: “Voyez le bon Pays!” wã nafa? (“Tẽn-sõngã yaa reng-n-lɛmbg ne Arzãnã sẽn na n yɩ to-to.”)

7. Zĩis a tãab bʋs pʋsẽ la d tõe n “puk a Zeova ziirã wa nin-gɛtga”? (2 Kor. 3:18; “D puk a Zeova ziirã wa nin-gɛtga.”)

8. Kisgr zaalem yĩnga yita yɛ, la bõe n tõe n sõng-d tɩ d kell n tall d burkĩndã kisg-kãng taoore? (Yɩɩl 109:1-3; “B kisg-b-la zaalem.”)

9. Bõe la Kirist tagsd bao n yɩ nin-kãsengã wɛɛngẽ, la wãn-wãn la ned tõe n bãng t’a segd n bɩɩsa tags-kãngã n paase? (Mat. 20:20-26; “D tall Kirist tagsgo, n da bao n yɩ nin-kãseng ye.”)

10. Baa d sã n yaa yĩnsã wɛɛngẽ, bõe n tõe n sõng-d tɩ d kell n tall pãng tẽebã wɛɛngẽ? (“D yĩnsã yaame, la d pa yaad tẽebã wɛɛngẽ ye.”)

11. Yel-bʋs la a Sʋɩtãan tũnugd ne n yelgd zɩlem-beedo, la Biiblã sagl-bʋg n tõe sõng-d tɩ d kogl d tẽebã rẽ taoore? (Zã 10:5; “Gũus-y ne ‘sãamb koeese.’ ”)

12. a) Wãn-wãn la roagdbã tõe n tũ makr ning a Zezi sẽn kõ tɩ be Mark 10:14,16 pʋgẽ wã? b) Bõe la yãmb nong Écoute le grand enseignant seb-paallã pʋgẽ? (“Tõnd kambã yaa pʋɩɩr sẽn tar yõod wʋsgo.”)

13. Wãn-wãn la kom-bɩɩsã pẽgd a Zeova? (1 Tɩm. 4:12; “Kom-bɩɩsã sẽn pẽgd a Zeova to-to.”)

14. Darmã gom-zug sẽn yɩ “D kõ kaset ne raoodo, baa ne kɩɩsgã” pʋgẽ, bõe la yãmb ket n tẽr sõma?

15. Wãn-wãn la d tõe n tũ a) a Pɩɛɛr ne a Zã makrã? (Tʋʋ. 4:10) b) a Etɩɛn makrã? (Tʋʋ. 7:2, 52, 53) d) pipi kiris-neb tigingã makrã? (Tʋʋ. 9:31; darmã la sõsg ning sẽn tik a zugã: “Moon-y koe-noogã ‘n da bas ye.’ ”)

16. a) Zĩ-bʋs wɛɛngẽ la d rɩk sard n na n pẽg Wẽnde? b) Ne bõe la d tõe n tall bas-m-yam bũmb nins d sẽn zãms “Pẽg-y Wẽnnaam” tigis-kãsengẽ wã tũub pʋgẽ? (Zã 15:9, 10, 16; “Ket-y n ‘womd-y biis wʋsg’ a Zeova ziir yĩnga,”)

D sã n bʋgs tẽeb zãmsg ning d sẽn paam tigis-kãngã sasa wã zugu, na n kɩtame tɩ d tũ d sẽn zãmsã fãa d vɩɩmã pʋgẽ. (Fil. 4:8, 9) Woto na n kenga d raood tɩ d tʋlg n maan bũmb “fãa Wẽnnaam waoogr yĩnga.”—1 Kor. 10:31.