Bũmb ning d sẽn na n yeel n wilg zʋrno rãmbã

Réveillez-vous ! 22 jan.

“Wẽnnaam mengã yʋ-peel ne Hebre la woto.” [Wilg-y pipi seb-nengã.] Neb kẽer tagsdame tɩ b pa segd n pʋd yʋ-kãngã lae-lae ye. La sãnda yẽ pʋt-a-la wakat fãa. Réveillez-vous ! kãngã gomda no-koeemd ning nebã sẽn wẽed Wẽnnaam yʋʋrã boolg poorẽ wã yelle. A leb n wilgda d sẽn tõe n maan to-to n bãng Wẽnnaam yʋʋrã.” Karm-y Yɩɩl Sõamyã 83:18, NW.

Gũusg Gãsgã Wao-fug. 1

“Neb wʋsg maoodame n get b yĩnsã laafɩ yelle.” La vaeesg toɛy-toɛy b sẽn maan sẽn nan pa kaoos pʋgẽ wilgame tɩ tõnd tẽebã tara pãn-tusdg wʋsg tõnd yɩ neerã zugu. Rẽ yĩnga yãmb tagsdame tɩ woto tõe n sɩd yɩɩme bɩ? [Bas-y t’a leok tɩ rẽ zugẽ bɩ y karem Matɩe 5:3, NW.] Gũusg Gãsgã seb-kãngã wilgda d sẽn tõe n pids d tẽebã ratem to-to.”

Réveillez-vous ! 8 fév.

“Rũndã-rũndã neb kẽer tʋʋm waoogame tɩ rẽ kɩt tɩ b segd n vʋʋs wʋsgo. Tõe tɩ y na n sak n deega gom-kãensã b sẽn gʋls hal yʋʋm 3 000 sẽn loogã. [Karm-y Koɛɛg Soaba 4:6 la y bas t’a leoke.] Réveillez-vous ! kãngã kõta sagls sẽn wilgd y sẽn tõe n maan to-to n bãng d sã n vʋʋsdame tɩ sekdẽ, la d sẽn tõe n mao ne zu-loe-kãngã to-to.

Gũusg Gãsgã Wao-fug. 15

“Rũndã-rũndã, neb wʋsg sũy n sãam yel-beed nins b sẽn maan tũudmã yʋʋr yĩngã. Kẽer tagsdame tɩ yaa tũudmã meng n wat ne ãdem-biisã zu-loeese. Rẽ yĩnga yãmb zoe n soka y meng bũmb yel-kãngã zug bɩ? [A soabã sã n leok n sa bɩ y karem Wilgri 18:24.] Zʋrnall kãngã wilgda Biiblã sẽn yet bũmb ning rẽ wɛɛngẽ.”