Bũmb ning d sẽn na n yeel n wilg zʋrno rãmbã

Réveillez-vous ! 8 fév.

“Tõnd fãa sẽn maood ne yel-tood nins rũndã-rũndã n tɩ yɩɩdã a yembr yaa yɩɩrã. Pa sɩda? [Bas-y t’a leoke.] Biiblã ra reng n wilga takɩ tɩ wakat n wat tɩ na n sɩd yɩ woto. [Karm-y 2 Tɩmote 3:1.] Zʋrnall kãngã tara sagl-sõma sẽn tõe n sõng yãmb ne y zakã rãmb tɩ y tõog n mao ne yɩɩrã.”

Gũusg Gasgã Wao-fug. 15

“D mi n wʋmdame tɩ b yetẽ tɩ yel-solemd n maane. [Kõ-y makre.] Neb kẽer tẽeda kiba-kãens tɩ sãnda yam-yoaad ne b sã n sɩd yaa sɩda. Zʋrnall kãngã pʋgẽ, b wilgda yel-soalem nins yell b sẽn gomd Biiblã pʋgẽ wã sã n sɩd zĩndame, la yɛl a woto buud sã n ket n maanda rũndã-rũndã.” Karm-y Zeremi 32:21.

Réveillez-vous ! 22 fév.

“Pĩnd wẽndẽ wã, Wẽnnaam da kõo kambã noor tɩ b waoog b ba la b ma. [Karm-y Yikri 20:12.] Rẽ yĩnga yãmb tagsdame tɩ rũndã-rũndã b waoogda ma rãmba wa sẽn segd bɩ? [Bas-y t’a soabã leoke.] Zʋrnall kãngã wilgda ma rãmbã sẽn maood ne yɛl ninsã, la b sẽn maand rẽ to-to tẽns toɛy-toɛy pʋsẽ.”

Gũusg Gasgã Tʋʋlgo, 1

“Rẽ yĩnga yãmb tagsdame tɩ nebã sã n da tũudẽ sagl-kãngã, vɩɩmã ra na n yɩẽ-la noog dũniyã zug bɩ? [Karm-y Rom dãmba 12:17, 18. Rẽ poor bɩ y bas t’a soabã leoke.] Zu-bʋko, ned ne a to moor mi n yõsga taaba. Zʋrnall kãngã wilgda Biiblã saglg tũub sẽn tõe n sõng-d to-to tɩ d welg d mo-yõsã n kɩt tɩ laafɩ lebg n zĩnd tõnd ne neb a taabã sʋka.”