Bũmb ning d sẽn na n yeel n wilg zʋrno rãmbã

Réveillez-vous ! 22 mars

Y sã n gom yel-beed sẽn maan tɩ ket n be nebã yamẽ yell poore, bɩ y soke: “Yãmb zoe n soka y meng bũmb ning sẽn kɩt tɩ Wẽnnaam bas tɩ yel-kãensã maandẽ wã bɩ? [Bas-y t’a leoke. Rẽ poor bɩ y karem Zak 1:13.] Sõs-kãngã b sẽn gʋls kom-bɩɩsã yĩngã wilgda bũmb ning sẽn kɩt tɩ tõnd Naandã sẽn tar nonglmã nan pa kẽes a toog n kɩt tɩ ninsaalbã namsg sa wã.”

Gũusg Gãsgã Tʋʋl-nifu, 1

“Biiblã verse rãmb nins sẽn gomd we-rũngã bãndã ne yel-solemdã yellã waa ne no-koeemd n yɩɩd verse rãmb a taabã. Yãmb zoe n wʋma rẽ kɩbar bɩ? [Bas-y t’a leoke. Rẽ poor bɩ y karem Wilgri 13:16-18 wã.] Biiblã meng tõe n sõnga tõnd tɩ d wʋm yel-solem kãngã võore. Zʋrnall kãngã wilgda bõn-kãens sẽn yaa b rãmba.”

Réveillez-vous ! 8 avril

“Neb wʋsg mii a Moiiz kɩbarã. La rẽ yĩnga yãmb miimi t’a Moiiz yeela bũmb tɩ pak tõnd rũnda-rũndã sɩda? [Bas-y t’a leoke. Rẽ poor bɩ y karem Tõodo 18:15.] Réveillez-vous ! kãngã wilgda no-rɛɛs kãng yell b sẽn deng n gomã sẽn ya a soaba la a sẽn na n maan bũmb ning tɩ naf ãdem-biisã.”

Gũusg Gãsgã Tʋʋl-nifu, 15

“Neb wʋsg mii pʋʋs-kãngã. [Karm-y Matɩe 6:10b.] Neb kẽer tagsdame tɩ bũmb ning fãa sẽn maan vɩɩmã pʋgẽ, baa yel-beedã menga, yaa Wẽnnaam tʋʋmde. Yãmb zoe n tagsa rẽ yell bɩ? [Bas-y t’a leoke.] Wẽnnaam raabã ne tẽngã yaa bõe, la wakat bʋg la a na n paam pidsgu? Zʋrnall kãngã kõtã leokr sẽn tik Biiblã zugu.”