Bũmb ning d sẽn na n yeel n wilg zʋrno rãmbã

Gũusg Gasgã Tʋʋl-nifu, 1

“Daar fãa, yɛl n pak tõndo. Wala laafɩ wã baoobo, d zaka rãmb yell gesgo, la tʋʋmã baoobo. Yãmb tagsdame tɩ yɛ la d tõe n paam sagls sẽn yaa sõma? [Bas-y t’a leoke.] Ges-y Biiblã sẽn yet bũmb ning 2 Tɩmote 3:16 pʋgẽ. [Karm-y verse kãngã.] Seb-kãngã wilgda Biiblã sẽn tõe n sõng-d to-to zĩis wʋsg pʋgẽ.”

Gũusg Gasgã Tʋʋl-nifu, 15

“Rũndã-rũndã, tʋʋm beedã tara paasg bala. [Rɩk-y makr y sẽn mi bɩ sẽn be sebrã pʋgẽ.] Yãmb zoe n tagsame tɩ nebã tõe n tʋma tʋʋm beed woto sɩda? [Bas-y t’a leoke.] Biiblã reng n togsame tɩ nebã wẽnem na n paasame. [Karm-y 2 Tɩmote 3:1-5.] Rẽ yĩngã wẽnemã na n wa saame bɩ? Seb-kãngã leokda sok-kãngã.”

Réveillez-vous ! Tʋʋl-nifu

“Neb wʋsg yetame tɩ b yaa kiris-neba. Sã n yaa ne yãmba, yɩ kiris-ned rat n yeelame tɩ bõe? [Bas-y t’a leoke.] Ges-y-yã a Zezi sẽn yeel verse kãngã pʋgẽ. [Karm-y Zã 15:14.] Sebrã zĩ-kãngã wilgdame tɩ pa sek bal tɩ ned yeel ne noor bal t’a yaa kiris-ned ye.” Wilg-y sõsg ning sẽn sɩng seb-neng 26 pʋgẽ wã.

Gũusg Gasgã Sig-noyã, 1

“Biig kũum kɩtdame t’a roagdbã sũy sãam wʋsgo. Yãmb tagsdame tɩ yɛ la b tõe n paam belsgo. [Bas-y t’a leoke. Rẽ poor bɩ y karem Rom dãmb 15:5.] Seb-kãngã wilgda Wẽnnaam sẽn belsd neb nins sũy sẽn sãamã to-to.”

Réveillez-vous ! Sig-noyã

“Neb kẽer vɩɩ naar pʋgẽ tɩ neb milyõ rãmb yaool n yaa talse. Yãmb tẽedame tɩ wakat n na n wa zĩnd tɩ nebã fãa yaa yembr bɩ? [Bas-y t’a leoke.] Ges-y Wẽnnaam sẽn get talsã to-to. [Karm-y Yɩɩl Sõamyã 22:25.] Seb-kãngã wilgda talsã sẽn na n wa paam bũmb ning beoog daare, sã n yaa ne Biiblã.”