Bũmb ning d sẽn na n yeel n wilg zʋrno rãmbã

Gũusg Gasgã Tʋʋlgo, 1

“Neb wʋsg tagsdame tɩ tũudum buud fãa tata Wẽnnaam yam. Rẽ yĩnga yãmb tagsdame tɩ ned tõe n yãka tũudum yaar woto bal bɩ? [Bas-y t’a leoke.] Ges-y sagl ning sẽn be ka wã. [Karm-y 1 Zã 4:1.] Seb-kãngã wilgda d sẽn tõe n vaees tũudmã sẽn zãmsd bũmb ninsã to-to n bãng zãms-kãens sã n yita Wẽnnaam nengẽ. A leb n wilgda tũudum toɛy-toɛyã sẽn sɩng to-to n wa beẽ.”

Gũusg Gasgã Tʋʋlgo, 15

“Nebã nong n gomda a Zezi Kirist waoongã yelle. Yãmb tagsdame tɩ d segd n gẽega a waoongã bɩ, bɩ d segd n yaeesame? [Bas-y t’a leoke.] Ges-y Biibl gʋlsd a Zã sẽn tagsd to-to. [Karm-y Wilgri 22:20.] Seb-kãngã wilgda Kiristã sẽn na n wa maan bũmb ninsi.”

Réveillez-vous ! Tʋʋlgo

“Nanambs wʋsg yaa wʋk-m-mens rãmba. Yãmb tagsdame tɩ manesem kãng tõe n waa ne laafɩ la bãan dũni kãngã pʋgẽ bɩ? [Bas-y t’a leoke.] Ges-y Biiblã sẽn yet bũmb ning wʋk-m-mengã wɛɛngẽ. [Karm-y Yelbũna 16:18.] Sõs-kãngã wilgda sik-m-meng sẽn tõe n naf ned to-to.” Wilg-y sõsg ning sẽn be sebrã neng 20 pʋgẽ wã.

Gũusg Gasgã Tʋʋl-nifu, 1

“Daar fãa, yɛl n pak tõndo. Wala laafɩ wã baoobo, d zaka rãmb yell gesgo, la tʋʋmã baoobo. Yãmb tagsdame tɩ yɛ la d tõe n paam sagls sẽn yaa sõma? [Bas-y t’a leoke.] Ges-y Biiblã sẽn yet bũmb ning 2 Tɩmote 3:16 pʋgẽ. [Karm-y verse kãngã.] Seb-kãngã wilgda Biiblã sẽn tõe n sõng-d to-to zĩis wʋsg pʋgẽ.”

Réveillez-vous ! Tʋʋl-nifu

“Zĩis wʋsgo, nebã manesem tara sãango. Rẽ yĩnga yãmb nee bõn-kãnga sɩda? [Bas-y t’a leoke.] Nebã manesem sẽn yaa to-to rũndã-rũndã wã pidsda bãngr-gomd sẽn be Biiblã pʋgẽ. [Karm-y 2 Tɩmote 3:2-4.] Seb-kãngã wilgda nebã manesem sẽn ye pa sõma wã võore, la rẽ sẽn na n baas to-to.”