Bũmb ning d sẽn na n yeel n wilg zʋrno rãmbã

Gũusg Gasgã Tʋʋlgo, 15

“Tõnd sʋkã, wʋsg sũy zoe n sãama b nin-nongr sẽn ki yĩnga. Rẽ yĩnga yãmb mii kãab-kãngã sẽn kõt belsgã bɩ? [Karm-y Tʋʋma 24:15. Rẽ poor bɩ y bas t’a leoke.] La neb wʋsg sokda b mens n dat n bãng neb nins b sẽn na n vʋʋge, b sẽn na n vʋʋg-b wakat ninga, la rẽ sẽn na n yɩ zĩig ninga. Zʋrnall kãngã wilgda Biiblã sẽn leokd sogs-kãensã to-to.”

Réveillez-vous ! Mar.

“Neb wʋsg tẽedame t’a Zezi yaa Wẽnnaam. La a Zezi karen-biig a Pɩɛɛr yaool n yeelame t’a yaa Wẽnnaam Biiga. [Karm-y Matɩe 16:16.] Yãmb tagsdame t’a Zezi tõe n yaa Wẽnnaam Biig la a leb n yaa Wẽnnaam bɩ? [Bas-y t’a leoke.] Sõsg ning sẽn be seb-kãngã neng 12-13 wã wilgda Biiblã sẽn yet bũmb ning yel-kãngã zugu.”

Gũusg Gasgã Tʋʋl-nif 1

“Goam nins sẽn be zĩ-kãngã wã wilgdame tɩ tara yõod tɩ d bao n bãng Wẽnnaam. [Karm-y Matɩe 4:4.] La neb wʋsg tagsdame tɩ Wẽnnaam Gomdã goam võor wʋmb yaa toogo. Yãmb me tagsda boto bɩ? [Bas-y t’a leoke.] Zʋrnall kãngã tara sagls sẽn tõe n sõng-y tɩ y wʋm Biiblã goam võore.”

Réveillez-vous ! Avr.

“Neb wʋsg maoodame n dat n paam sũ-noog b vɩɩmã pʋgẽ, la wõnda yaa neb bilf bal n sɩd tar sũ-noogo. Yãmb tagsdame tɩ yɛl nins b sẽn sõdg ka wã tõe n sõnga nebã tɩ b tall sũ-noog bɩ? [Wilg-y zĩ-gũbrã sẽn be seb-neng a 9 wã. Dẽ poor bɩ y karem verse nins b sẽn sõdgã a ye.] Réveillez-vous ! kãngã pʋgẽ, Biiblã wilgda d sẽn tõe n paam sũ-noog hakɩkã to-to.”