Yãmb sogsgã leoore

◼ Wãn to la d segd n paam Gũusg Gasgã la Réveillez-vous ! wã d meng kareng yĩnga?

B sẽn yals Gũusg Gasgã la Réveillez-vous ! abonema rãmb buud-goamã fãa pʋgẽ wã tɛka, koe-moondba fãa segd n deesa b zʋrno rãmba, b kasɛt kɛlgdɩ wã, la b CD rãmbã b tigimsã pʋsẽ. La zʋrno rãmb ne kasɛt kelgdɩ nins b sẽn maan zoensã yĩngã ka naag ye, b ket n tõe n toond-b-la neb nins sẽn tõe n paam dẽ wã zaalem. Bãng-y tɩ tigingã tõe n kosa zʋrno rãmb b sẽn dɩk ne kasɛt bɩ ne CD tigingã sɛb kosg sebr (M-202) zugu. B leb n tõe n tũnuga ne seb-kãng n kos zʋrno rãmb sẽn be buud-gom-zẽms pʋgẽ, bɩ sẽn yiis ne gʋls-bɛda.

Yãmb moonegã zĩigẽ ned sã n kos yãmb tɩ y wat n kõt-a zʋrno rãmbã wakat fãa, bɩ y modgd n dabd a nengẽ ne zʋrno rãmbã sẽn na yɩl t’a ra kong ba a yembr ye. Neb nins b sẽn yiis tigingã pʋgẽ wã tõe n paama zʋrno rãmbã la sɛb a taab b mens yĩng Rĩungã Roog sɛb zĩigẽ. Tõnd sẽn dabd wakat fãa n kõt b rãmb zʋrno rãmbã sʋka, d ka segd n naag neb nins b sẽn yiisã ye.

Neb nins abonema rãmb b sẽn na n ket n sakdẽ wã yaa b rãmb nins tiging koe-moond sẽn ka tõe n dabd n kɩt-b zʋrno rãmbã wakat fãa wã bala. Tigingã tʋʋmd sull sã n tool abonema woto buudu, sekertɛɛrã na n naaga sebr sẽn wilgd koɛɛg-koɛɛg tɩ tiginga tʋʋmd sull maaga a yĩng n ges n sak abonema wã.

Woto rat n yeelame tɩ koe-moondbã ka segd n gʋls Sosiete wã tʋʋmd will n kos abonema b mens yĩng ye. Koe-moond bɩ ned sẽn nong sɩdã sã n maan woto fãa, b na n lebs n toola a soabã sɛb a mengã tigingẽ.

◼ Ned sẽn be bãens roogẽ na n maana wãn n paam zʋrno rãmbã?

Tiging sã n geta moonegã yell bãens roogẽ n tõe n taas neb nins sẽn be be wã zʋrno rãmba, yaa koe-moondb nins b sẽn yãk tɩ b tʋgd n moond bãens roogẽ wã n talld Gũusg Gasgã la Réveillez-vous ! wã n kẽnge. Woto sã n ka tõe, sẽn be-a bãens roogẽ wã tõe n gʋlsa Sosiete wã tʋʋmd will n kos abonema. Bãng-y tɩ ned b sẽn yiis me sã n be bãens-roogẽ, yẽ me tõe n tũu soay nins b sẽn wilg sull kãngã pʋgẽ wã n paam zʋrno rãmbã.