Yãmb tʋmda ne tigissẽ wã waoong boolg seb-vãadã bɩ?

Daar a ye, biribl sẽn tar yʋʋm 11 n yã tigissẽ wã waoong boolg seb-vãoog n dɩke. Seb-vãoogã ra boonda zamã wã tɩ b wa kelg sõsg sẽn na n gom bugum yirã yelle. Kaoosg zugẽ, biriblã yeela woto: “Sẽn da wõnd yɛl nins mam sẽn maand wakat fãa wã yaa wẽns tɩ m yaeesdẽ tɩ m sã n kii m na n kẽnga bugum yirã, m da rata ne m sũur fãa n kelg sõs-kãnga.” A kẽng n tɩ kelga sõsgã, la a sẽn zãms Biiblã, yʋʋmd la bal poore, a reega lisgu. Tũu ne woto t’a Karl Klein wa yɩ kiris-ned a yõor tɛka. Sẽn paase, a wa n tʋma a Zeova Kaset rãmbã Siglg Taoor lʋɩtb Sull pʋgẽ yʋʋm wʋsgo. Fãa sɩnga ne tigissẽ wã waoong boolg seb-vãoogo.

Tigissẽ wã waoong boolg seb-vãoogã ket n sõng-d lame tɩ d kõt kasetã tɩ womd biis sõma. Koe-moondb wʋsg yãame tɩ b sã n kõ-a neda, kɩtdame tɩ b paam n sɩng sõsg ne a soabã. Roagdbã tõe n kɩtame tɩ b kom-bõonegã naag n moon koɛɛgã, b sã n kɩt-b seb-vã-kãens tɩ b kõt nebã zak-zaka. Koe-moondb nins sẽn kõt kasetã ne lɛta wã tõe n paasa tigissẽ wã waoong boolg seb-vãoogã b lɛta wã n toole. La yaa vẽeneg tɩ seb-vã-kãensã tõe n sõng-d lame tɩ d boond Biiblã karen-biis la sẽn dat-b n bãng koɛɛgã n paasã tɩ b wa d tigissã.

Rẽ yĩnga yãmb tʋmda ne tigissẽ wã waoong boolg seb-vãad sõma y koe-moonegã pʋgẽ bɩ?