Bũmb ning d sẽn na n yeel n wilg zʋrno rãmbã

Gũusg Gasgã Sigri, 1

“Tẽns wʋsg pʋsẽ, wakat n da zĩnd tɩ nebã ra waoogd sẽn kʋʋl-bã, wa tõog ning b sẽn da kõ Israɛll nebã sẽn yetã. [Karm-y Maankʋʋre 19:32.] Yãmb tagsdame tɩ rũndã-rũndã wã, nebã ket n waoogda sẽn kʋʋl-bã bɩ? [Bas-y t’a leoke.] Zʋrnall kãnga wilgda Wẽnnaam sẽn get sẽn kʋʋl-bã yell to-to, la a wilgd tõnd me sẽn tõe n maan dẽ to-to.”

Gũusg Gasgã Sigri, 15

“Yãmb tagsdame tɩ d tõe n paama sũ-noog baa ne d sẽn tar zu-loeesã bɩ? [Bas-y t’a leoke.] Zʋrnall kãnga wilgdame tɩ bũmb n be n tõe n sõng tõnd tɩ d tõog n mao ne d zu-loeesã. A leb n gomda saagr hakɩk ning d sẽn tar tɩ yɛlã na n wa toeemame wã sẽn tõe n kõ-d pãng ningã yelle.” Karm-y Wilgri 21:3, 4.

Réveillez-vous ! Juin

“Yãmb sak n deegame tɩ seb-bɛd nins sẽn maan sẽn nan pa kaoosã kɩtame tɩ nebã bãng tɩ b sã n keoog-b tɩ yell n wate b tog n kelgame bɩ? [Bas-y t’a leoke.] Zʋrnall kãngã wilgda yam ning neb nins sẽn põs seb-kẽeng ning b sẽn boond t’a Katrina wã sẽn dɩk a pʋgẽ. Sebrã leb n wilgdame tɩ keoogr la b taasd d fãa tɩ d tog n kelg-a.” Wilg-y sõsg ning gom-zug sẽn be seb-neng 14.

Gũusg Gasgã Sẽoogo, 1

“Rũndã-rũndã vɩɩmã sẽn pid ne zu-loeesã kɩtame tɩ neb wʋsg sokd b mens sogs-kãensã: ‘Bõe yĩng tɩ vɩɩmã pid ne zu-loees woto? Wẽnnaam sã n sɩd beeme, bõe yĩng t’a pa kɩtd tɩ namsgã sa?’ Yãmb zɩ n sok y meng woto sɩda? [Bas-y t’a leoke.] Zʋrnall kãngã wilgda Biiblã sẽn leokd sogs-kãensã to-to.” Karm-y 2 Tɩmote 3:16.

Réveillez-vous ! Juillet

“Rũndã-rũndã, neb wʋsg kãadem pida ne zu-loeese. Yãmb tagsdame tɩ kẽed-n-taasã sã n tũ sagl-kãensã Wẽnnaam sẽn vẽneg tɩ b gʋlsã, tõe n sõng-b lame bɩ? [Karm-y Efɛɛz dãmba 4:32 la y bas t’a soabã leoke.] Réveillez-vous ! kãngã wilgda Biiblã sagls neb sẽn zoe n tũ tɩ maneg-ba, tɩ tõnd me tõe n tũ n paam tɩ d kãadmã tall sũ-noogo.”