Bũmb ning d sẽn na n yeel n wilg zʋrno rãmbã

Gũusg Gasgã Sigri, 1

“Yãmb tagsdame tɩ tũudmã fãa tata Wẽnnaam yam bɩ? [Bas-y t’a leoke.] Pĩnd wẽndẽ Israɛllã neb ra basa Wẽnnaam n tũud b tẽn-yagsã wẽnnaam dãmbã. La kelg-y Wẽnnaam sẽn yeel-b bũmb ningã. [Karm-y Ezekɩɛll 6:6.] Rẽ yĩnga ned kam fãa tõe n tũu Wẽnnaam wa a meng sẽn dat to-to bɩ? Seb-kãngã leokda sok-kãngã.” Wilg-y sõsg ning sẽn sɩngd seb-neng a 9 wã.

Réveillez-vous ! Sigri

“Yaa vẽeneg tɩ d fãa miime tɩ kambã sã n wa bɩtẽ, pa nana ne-b ye. Leb n pa nana ne b roagdbã me ye. La yãmb tagsdame tɩ saglg ning sẽn be verse kãngã pʋgẽ wã tõe n sõnga roagdbã tɩ b tõog n wub b kambã sõma bɩ? [Karm-y Zak 1:19, la y bas t’a leoke.] Seb-kãngã tara sagls sẽn yit Biiblã pʋgẽ kambã wubr wɛɛngẽ.”

Gũusg Gasgã Sẽoogo, 1

b“Tõnd ned sã n maan kaalem, sãamda d sũur wʋsgo. Yãmb tagsdame tɩ sasa kãngã Biiblã tõe n sõng-d lame bɩ? [Bas-y t’a leoke. Rẽ poor bɩ y karem Yɩɩl Sõamyã 55:23.] Seb-kãngã tara sagls sẽn yit Biiblã pʋgẽ, sẽn wilgd d sẽn tõe n tõog toog to-to d ned kaalem sasa.”

Réveillez-vous ! Sẽoogo

“Sẽn kẽ-b kãadmã paamda zu-loeese, la kãadem wʋsg me kaoodame. Yãmb tagsdame tɩ salg-kãngã tõe n kɩtame tɩ ned kãadem yɩ sõma bɩ? [Karm-y Yelbũn 12:18, la y bas t’a leoke.] Seb-kãngã wilgda noy kẽer sẽn be Biiblã pʋgẽ n tõe n sõng sẽn kẽ-b kãadmã tɩ b zĩnd-n-taarã yɩ noogo.”