Bũmb ning d sẽn na n yeel n wilg zʋrno rãmbã

Gũusg Gasgã Bõn-bɩʋ. 1

“Rũndã-rũndã, neb wʋsg yam yii ne tũudmã. Rẽ yĩnga yãmb tagsdame tɩ tũudum tõe n kɩtame tɩ ned yɩ nin-sõng bɩ? [Bas-y t’a leoke.] Ges-y Biiblã sẽn da pĩnd n wilg nebã sẽn da na n wa tall manesem ning tũudmã wɛɛngẽ wã. [Karm-y 2 Tɩmote 4:3, 5.] Zʋrnall kãngã wilgda tũudum hakɩkã sẽn waoogd Wẽnnaam to-to, la a nafd tõnd to-to.”

Gũusg Gasgã Bõn-bɩʋ. 15

Reng-y n togs-y yell sẽn nan maan paalem tɩ nebã tar n gomda. Rẽ poor bɩ y sok woto: “Rẽ yĩnga yãmb tagsdame tɩ Biiblã verse kãngã bilgda wakat ning pʋgẽ tõnd sẽn vɩyã sõma bɩ? [Karm-y 2 Tɩmote 3:1 wã la y bas t’a leoke.] Seb-kãngã gomda yɛl sẽn wilgd vẽeneg tɩ d vɩya yaoolem wakatã pʋgẽ, la a wilgd d sẽn segd n maan bũmb ninga.”

Réveillez-vous ! Bõn-bɩʋ.

“Neb wʋsg tagsdame tɩ Wẽnnaam n naan tõndo, la kẽer tẽedame tɩ d wa n tiig n bee woto tɩ pa tũ ne naand sabab ye. Bõe la yãmb yẽ tagsda? [Bas-y t’a leoke.] Kelg-y saglg b sẽn kõ ka n na n sõng-d tɩ d bãng sɩd yel-kãngã zugu. [Karm-y Zoob 12:7, 8.] Réveillez-vous ! kãngã wilgda yam ning sẽn pukd bũmb nins sẽn karg n gũbg tõndã pʋsẽ wã sẽn zãmsd tõnd bũmb ninsi.”

Gũusg Gasgã Zĩ-lik. 1

“Bãngdb n be n baood n na n menems bãasã sẽn na yɩl tɩ d tõe n vɩɩmd n kaoose. Yãmb tagsdame tɩ d na n wa tõog n vɩɩmda wakat sẽn-kõn-sa bɩ? [Bas-y t’a leoke.] Kelg-y bʋʋm ning sẽn kɩt tɩ d tʋll n vɩɩmd n kaoosã. [Karm-y Koɛɛg Soaba 3:11.] Zʋrnall kãngã wilgda Wẽnnaam sẽn naan tõnd n ning vɩɩm sẽn pa sat tagsg d sũyẽ wã võore.”

Réveillez-vous ! Zĩ-lik.

“Neb wʋsg nonga televiziõ wã gesgo. La yãmb tagsdame tɩ d segd n tũusa bũmb nins d sẽn get televiziõ wã pʋgẽ wã bɩ? [Bas-y t’a leoke. Rẽ poor bɩ y karem Yelbũna 13:20.] Zʋrnall kãngã wilgda televiziõ wã sẽn tõe n toeem-d to-to, la a kõt sagls sẽn tõe n sõng-d me tɩ d tũus d sẽn getã.”