Bũmb ning d sẽn na n yeel n wilg zʋrno rãmbã

Gũusg Gasgã Sa-sika, 1

“Neb wʋsg tagsdame tɩ ‘Kãab-kʋdgã’ sõngda tõnd tɩ d bãng yɛl sẽn zĩnd kʋdem wakatã. La b pa tẽed t’a tara yõod rũndã-rũndã ye. Yãmb yẽ tagsda bõe? [Bas-y t’a leoke. Rẽ poor bɩ y karem Rom dãmb 15:4.] Zʋrnall kãngã wilgdame tɩ sagls n be ‘Kãab-kʋdgã’ pʋgẽ n tõe n sõng tõnd d vɩɩmã pʋgẽ, la kɩt tɩ d tall saagr beoog yĩnga.”

Gũusg Gasgã Bõn-bɩʋ. 15

“M dat n bõos n soka yãmb sẽn tagsd to-to verse kãngã zugu. [Karm-y Tõod 32:4.] Rẽ yĩngã yãmb zoe n soka y meng n gese bõe yĩng tɩ Wẽnnaam bas tɩ namsgã la wẽnemã pid dũniyã zug woto, a sã n sɩd yaa pãng soab la tɩrga? [Bas-y t’a leoke.] Seb-kãngã wilgda bũmb ning sẽn kɩt tɩ Wẽnnaam bas tɩ wẽnemã ket n beẽ n tãag rũndã-rũndã wã.”

Réveillez-vous ! Bõn-bɩʋ.

“Ãdem-biisã fãa la bal rata laafɩ la yõ-woko. La rẽ yĩnga d sã n tagsd bõn-sõma yell wakat fãa, tõe n paasa d yĩnsã laafɩ bɩ? [Bas-y t’a leoke. Rẽ poor bɩ y karem Yelbũn 17:22.] Seb-kãngã wilgda bũmb ning sẽn kɩt tɩ d segd n tagsd bõn-sõma yell wakat fãa wã.” Wilg-y sõsg ning sẽn be seb-neng 26 pʋgẽ wã.

Gũusg Gasgã Zĩ-likri, 1

“Yãmb zoee n maana bũmb n yaool n wa ‘maand y bãngẽ bɩ?’ [Bas-y t’a leoke.] Kelg-y bũmb ning sẽn kɩt tɩ d mii n yãk yam n maan bũmb n le wa maand d bãngẽ wã. [Karm-y Zeremi 10:23.] Seb-kãngã wilgda saglsã sẽn be Biiblã pʋgẽ wã sẽn tõe n sõng tõnd to-to tɩ d rɩkd sard sẽn yaa sõma.”

Réveillez-vous ! Zĩ-likri

“Yãmb tagsdame tɩ kambã segda zu-loees wʋsg rũndã-rũndã n yɩɩd pĩndã bɩ? [Bas-y t’a leoke.] Neb wʋsg miime tɩ d vɩya wakat ning yell b sẽn gomd ka wã. [Karm-y 2 Tɩmote 3:1-5.] Seb-kãngã kõta sagls sẽn yaa sõma roagdbã sẽn tõe n tũ n kogl b kambã tɩ nebã ra yõg-b ye.”