Bũmb ning d sẽn na n yeel n wilg zʋrno rãmbã

Gũusg Gasgã Bõn-bɩ. 1

“Yɛ la yãmb tagsd tɩ d tõe n paama sagls sẽn yaa sõma d sã n wa rat n yãk yam n maan bũmb sẽn tar yõodo? [Bas-y t’a leoke. Rẽ poore bɩ y karem Yelbũna 3:5, 6.] Seb-kãngã wilgda tõnd yam ning sẽn yit yĩngrã sẽn tõe n sõng tõnd to-to tɩ d reng n bãng d yam-yãkrã sẽn tõe n wa ne yɛl ninsi.” Wilg-y sõsg ning sẽn be seb-neng a 8 wã.

Réveillez-vous ! Bõn-bɩ.

“Yãmb tagsdame tɩ yaa Wẽnnaam raab la ninsaalbã sẽn kiid kom tẽngã zug rũndã-rũndã wã bɩ? [Bas-y t’a leoke.] Ges-y bũmb ning a sẽn na n maan n welg yel-kãngã wã. [Karm-y Yɩɩl Sõamyã 72:16.] Seb-kãngã wilgda Wẽnnaam sẽn na n maan tɩ tẽngã lebg arzãn to-to.” Wilg-y sõsg ning sẽn be seb-neng a 7 wã.

Gũusg Gasgã Zĩ-likri, 1

“Wakat kãngã sẽn yaa toog sasa wã kɩtame tɩ neb wʋsg maand yɩɩr ne beoog sẽn na n yɩ bũmb ninga. Bõe n sõngd yãmb tɩ y pa maand yɩɩre? [Bas-y t’a leoke.] Ges-y Wẽnnaam sẽn kãab bũmb ninga. [Karm-y Ezai 65:17.] Seb-kãngã wilgda bũmb nins sẽn kɩt tɩ d pa segd n maan yɩɩr ne beoogã.”

Réveillez-vous ! Zĩ-likri

“Ẽntɛrnetã yaa tʋm-teoog sẽn tar yõod wʋsgo, la a tõe n kẽesa kambã yɛl pʋsẽ. Yãmb tagsdame tɩ bõe la d tõe n maan n kogl-ba? [Bas-y t’a leoke.] Ges-y b sẽn wilg bũmb ning zĩ-kãngã. [Karm-y Yelbũn 18:1, la y wilg a võore.] Seb-kãngã wɛgsda noy a yoob sẽn yit Biiblã pʋgẽ sẽn tõe n sõng roagdbã tɩ b kogl b kambã. A yembr la d sẽn yã mas-masã wã.” Wilg-y sõsg ning sẽn be seb-neng a 8 wã.