Bũmb ning d sẽn na n yeel n wilg zʋrno rãmbã

Gũusg Gasgã Yʋʋm-vẽk. 1

“Yãmb tagsdame tɩ yaa ned tarem sẽn yaa wʋsg n wilgd t’a soab tõogame t’a vɩɩm yaa sõma bɩ? [Bas-y t’a leoke, tɩ rẽ poor bɩ y karem 1 Tɩmote 6:9, 10.] Baa ne Biiblã sẽn pa yet tɩ ligd pa sõma wã, a wilgdame tɩ sũ-noog hakɩkã pa be ne f tarem sẽn zem to-to ye. Seb-kãngã gomda rẽ yelle.”

Gũusg Gasgã Yʋʋm-vẽk. 15

“Yãmb tagsdame tɩ yɛ la kẽed-n-taas tõe n paam sagls sẽn yaa sõmã? [Bas-y t’a leoke.] Ges-y sẽn yaa ned ning n lugl kãadmã. [Karm-y Sɩngre 2:22.] Wẽnnaam wilga a sẽn dat tɩ kẽed-n-taasã ned kam fãa maan bũmb ningã kãadem pʋgẽ. Seb-kãngã bilgda rẽ.”

Réveillez-vous ! Yʋʋm-vẽkre

“Rẽ yĩnga yãmb pa gũus n ges tɩ neb wʋsg yetame tɩ b yaa kiris-neb n yaool n pa tũud a Zezi sẽn wilg bũmb ningã sɩda? [Bas-y t’a leoke.] Wala makre, neb wʋsg pa tũud a Zezi gomd ningã sẽn be ka wã ye. [Karm-y Zã 13:35.] Seb-kãngã wilgda bũmb ning sẽn welg a Zezi zãmsgã ne neb nins sẽn yet tɩ b yaa kiris-nebã tagsgo. Wilg-y sõsg ning sẽn be sebrã neng 18 wã.”

Gũusg Gasgã Wao-fugdgu, 1

“Yãmb tagsdame tɩ nebã fãa sã n tũud gom-kãngã, laafɩ na n zĩnda tõnd tẽngã pʋgẽ bɩ? [Karm-y Efɛɛz rãmba 4:25. Rẽ poore, bas-y t’a leoke.] Neb kẽer tagsdame tɩ yɛl kẽer pʋsẽ, ziri yagb pa bũmb sẽn gĩdg ye. Seb-kãngã wilgda sɩd togsg wakat fãa sẽn tõe n naf-d to-to.”

Réveillez-vous ! Wao-fugdgu

“Tẽns kẽer pʋsẽ, nebã manesem ne tũudmã toeemdame. Rẽ yĩnga, yãmb tagsdame tɩ nebã pa ye sakd n tũud bũmb nins b sẽn zãmsd egiliiz rãmbã pʋsẽ wa pĩndã bɩ? [Bas-y t’a leoke.] Tʋm-tʋmd a Poll gom-kãngã wilgda bũmb ning sẽn kɩt tɩ neb kẽer pa ye tar bas-yard ne tũudmã. [Karm-y Tʋʋma 20:29, 30.] Seb-kãngã wilgda bũmb ning Biiblã sẽn yet tɩ na n wa paama kiris-nebã tũudum.”