Bũmb ning d sẽn na n yeel n wilg zʋrno rãmbã

Gũusg Gasgã Yʋʋm-vẽk. 15

“Neb wʋsg ra baood n na n bãnga yɛl wʋsg malɛgsã wɛɛngẽ. Yãmb zoe n soka y meng malɛgsã sẽn sɩd yaa-b rãmba, la b sẽn maand bũmb ning tõnd vɩɩmã pʋgẽ wã bɩ? [Bas-y t’a leoke. Rẽ poor bɩ y karem Yɩɩl Sõamyã 34:8.] Seb-kãngã wilgda Biiblã sẽn yet bũmb ning malɛgsã sẽn tʋm tʋʋm nins pĩnda, b sẽn maand bũmb ning masã, la b sẽn na n maan beoog daare.”

Réveillez-vous ! Jan.

“Rũndã-rũndã, d tõe n paama sagls bũmb fãa zug la bala. Yãmb tagsdame tɩ sagl-kãens sʋkã, bãmb b wãn la d tõe n tẽ? [Bas-y t’a leoke. Rẽ poor bɩ y karem 2 Tɩmote 3:16.] Réveillez-vous ! kãngã wilgda bũmb ning sẽn kɩt tɩ d segd n sak n deeg tɩ Biiblã tara sagls sẽn tar yõodã.” Wilg-y sõsg ning sẽn sɩngd seb-neng 18 wã.

Gũusg Gasgã Wao-fug. 1

“Tõnd fãa rata ligd sẽn na yɩl n vɩɩmde. La yãmb sak n deegame tɩ d segd n gũusa ne bẽdg ning yell b sẽn gomd ka wã bɩ? [Karm-y 1 Tɩmote 6:10, la y bas t’a leoke.] Seb-kãnga sõngda tõnd tɩ d bãng bẽds nins sẽn be arzɛkã baoob pʋgẽ, la a sõngd-d tɩ d bãng d sẽn na n gil bẽdsã to-to.”

Réveillez-vous ! Fév

“Tõnd sʋkã, neb nins sẽn tar roagdb la zo-rãmb sẽn kʋʋlã rat n bãnga b sẽn tõe n maan to-to n sõng-b tɩ b tõog n mao ne kʋʋlmã sẽn wat ne zu-loees ninsã. Bɩ bõe? [Bas-y t’a leoke.] Zʋrnall kãngã wilgda d sẽn tõe n maan bũmb nins tɩ kʋʋlmã ra nams-d wʋsg ye. Sebrã leb n wilgda Biiblã bãngr-gom-kãnga sẽn na n pids to-to.” Karm-y Zoob 33:25.