Bũmb ning d sẽn na n yeel n wilg zʋrno rãmbã

Réveillez-vous ! 22 déc.

“Yãmb gũusame n ges tɩ wõnda zãmaana neb sẽn get n yɩɩd ned nengẽ yaa a yalẽ wã sẽn yaa to-to wã bɩ? [Bas-y t’a leoke.] Zʋrnall kãngã wilgda bao n tall rasãndã tʋlsem sẽn loog nug sẽn wat ne yɛl ninsã. A leb n wilgda rasãnd buud ning sẽn tar-a yõod n yɩɩdã.” Karm-y 1 Pɩɛɛr 3:3, 4.

Gũusg Gãsgã Yʋʋm-vẽk. 1

“Tũudmã fãa la bal zãmsda nebã tɩ b nong taaba. [Karm-y Matɩe 22:39.] Sã n yaa ne yãmba, bõe yĩng masã tɩ zab la mo-yõs wʋsg sẽn maand dũniyã zug tɩ loe ne tũudmã? [Bas-y t’a leoke.] Gũusg Gasg kãngã leokda sok-kãngã: Tũudmã tõe n lagma ãdem-biisã taab bɩ?”

Réveillez-vous ! 8 janv.

“Wãn to la yãmb ra na n leokẽ sok kãngã? [Karm-y sokrã sẽn be pipi seb-nengã zugã. Rẽ poor bɩ y bas t’a leoke.] Tẽngã arzɛgs sẽn tar saab tʋʋll-tʋʋll to-to wã kẽesda rabeem. Ne rẽ fãa, ges-y kãab-kãngã sẽn be bas-m-yamã. [Karm-y Yɩɩl Sõamyã 104:5.] Réveillez-vous ! kãngã wilgda tõnd tẽngã sẽn na n paam manegr zãng-zãng to-to ka la bilfu.”

Gũusg Gãsgã Yʋʋm-vẽk. 15

“Tõnd fãa rata vɩɩm sẽn yaa noog n yɩɩd d meng la d kambã yĩnga, la neb wʋsg tagsdame tɩ d ka tõe n paam vɩɩm a woto buud ye. Yãmb tagsdame tɩ d tõe n kɩtame tɩ beoog-daarã yɩ wa d sẽn datã bɩ? [Bas-y t’a leoke.] Zʋrnall kãngã tika Biiblã zug n wilgdẽ tɩ d tara d sẽn na maaneg tɩ beoog-daarã yɩ wa d sẽn datã, la tɩ rẽ bee ne tõnd sẽn yãkd yam n maand bũmb ning masã wã.” Karm-y Tõodo 30:19.