Bõe la yãmb na n maan y vɩɩmã pʋgẽ?
1 B mi n sokda kambã woto: “Bõe la y na n maane, y sã n wa lebg kãsmã?” Y sã n yaa rao tɩ b ra sok-y woto y kɩdg wẽndẽ, y ra na n leokame tɩ y ra rat n lebga logtore, bal-tãooda, bɩ tigims sull yel-gɛta? Y sã n yaa bi-pugla, y ra na n leokame tɩ y ra rat n lebga yɩɩn-yɩɩnda, karen-saam-poaka, bɩ misioneere? Masã y sẽn lebg kãsmã, y segd n soka y meng woto: ‘Bõe la m na n maan m vɩɩmã pʋgẽ?’ Y segla y meng n na n yãk y sẽn na n maan bũmb ning bɩ?
2 Sẽn na yɩl n sõng-y tɩ y yãk y sẽn na n maan bũmb ning tɩ yɩ sõma n yɩɩdã, a Zeova siglgã yiisa DVD gom-zug sẽn yaa: Les jeunes s’interrogent. . . Que vais-je faire de ma vie ? wã. Ges-y-yã-a, la y tags a babsã fãa zug sõma. Wala makre, drame, interviews, la suppléments wã. B wilga bab-kãens tɩ be “Menu principal” wã pʋgẽ.
3 Drame: Y sã n ges darmã n sa, bɩ y ges y sã n na n tõog n leoka sogsg nins sẽn pʋgdã: 1) Bõe la a Ãndere maan tɩ wõnd a Tɩmote, sẽn yaa ned ning yell b sẽn gomd Biiblã pʋgẽ wã? (Tʋʋ. 16:1; 1 Tɩm. 4:8; 2 Tɩm. 1:5) 2) Wãn to la b ra weoogd a Ãndere t’a modg ne zoeesã wags-taabã, la yaa ãnd dãmb n da weoogd-a? 3) Ãnd dãmb n sõng a Tɩmote la a Ãndere tɩ b yãk bũmb ning b sẽn na n maan b vɩɩmã pʋgẽ tɩ yɩ sõma n yɩɩdã, la wãn to la b maan dẽ? (2 Tɩm. 1:1-4; 3:14, 15) 4) Wãn to la sagls nins sẽn be Matɩe 6:24 la Filip rãmb 3:8 wã sõng a Ãndere, la wãn to la rẽ tõe n sõng yãmb me?
4 Les chapitres: Y sã n ges darmã n sa, bɩ y lebg n ges babs nins sẽn pʋgdã la y leok sogsgã. “Paul et Timothée” : Sagl-bʋg la a Poll kõ a Tɩmote n baase? (2 Tɩm. 4:5) “Donner à Jéhovah le meilleur” : Wẽnnaam tʋʋm bʋg la yãmb yãk n na n wa tʋme? “Prise de position pour Jéhovah” : Yɛ la d tõe n paam sũ-noog hakɩka? “Le conseil d’une grand-mère” : Bõe yĩng tɩ d pa segd n bao yʋʋr a Sʋɩtãan dũniyã pʋgẽ? (Mat. 4:9) “Aucun regret” : Bõe la y yã darmã pʋgẽ tɩ tõe n sõng-y tɩ y vɩɩmã yɩ sõma?—Yel. 10:22.
5 Interviews: Babg fãa pʋgẽ, bõe la y yã y sẽn tõe n maan y sẽn tõe ne y sũur fãa n kõ a Zeova? 1) “Y na n dɩka y meng n kõ Wẽnnaam bɩ, bɩ y na n baoa dũniyã neb sẽn baood bũmb ninsã?” (1 Zã 2:17) 2) “Bao n bãng f sẽn na n maan to-to n paam sũ-noog f koe-moonegã pʋgẽ.” (Yɩɩl 27:14) 3) “Tʋʋm wʋsg f sẽn tõe n yãk n tʋme.”—Mat. 6:33.
6 Souvenirs: Y tõe n leokame bɩ? 1) Bõe la saam-biigã la sãam-bi-poakã ra baood n na n wa lebge, la bõe yĩnga? 2) B vɩɩmã ra yaa wãn to? 3) Bõe n sõng ned kam fãa t’a toeem bũmb ning a sẽn da baood n na n maanã? (2 Kor. 5:15) 4) Wẽnnaam tʋʋm bʋs la b wa n yãk n na n tʋme, la bõe n kɩt tɩ b bãng tɩ b pa tõe n tʋmd Wẽnnaam tʋʋmdã la b le pʋgd bũmb nins sẽn be dũniyã pʋgẽ wã? 5) Rẽ yĩnga b maanda b bãngẽ, b sẽn bas bũmb ning b sẽn da baoodã n tʋmd Wẽnnaam tʋʋmdã bɩ? 6) Bõe la b yeel tɩ kɩt tɩ y tags y sẽn na n maan bũmb ning y vɩɩmã pʋgẽ wã?
7 Autres Interviews: Bõe la y yã bab-kãnga pʋgẽ y sẽn tõe n maan n kẽes y meng zãng-zãng a Zeova tʋʋmdã pʋgẽ? 1) “D meng Biibl zãmsgã yoodo.” 2) “Manesem a taab d sẽn tõe n tũnug ne n moon koɛɛgã, bɩ zĩis a taab d sẽn tõe n tɩ moone.” 3) “Betɛllẽ wã tʋʋmde.” 4) “L’École de formation mi-nistérielle.”—Lebg-y n ges-y “Index de publications traitant des sujets abordés,” la y karem n bãng bũmb nins sẽn pak yãmb n yɩɩdã.
8 Masã y bãnga y sẽn na n maan bũmb ning y vɩɩmã pʋgẽ bɩ? A Poll sagla a Tɩmote woto: “Wɩng ne bõn-kãense la f maan ne f sũur fãa, tɩ neba fãa yã tɩ fo bɩtame.” (1 Tɩm. 4:15) D sagend-y lame tɩ y rɩk yam ne bũmb nins y sẽn wʋm la y yã DVD wã pʋgẽ wã. Kos-y a Zeova t’a sõng-y tɩ y yãk tʋʋmd ning sẽn yaa sõma n tõe n kõ-y sũ-noog y vɩɩmã pʋgẽ masã la beoog-daare.
[Zĩ-gũbri, seb-neng a 6]
MENU PRINCIPAL
Drame
Chapitres (11 sélections)
Interviews
Démarrer
Sections (3 sélections)
Souvenirs
Suppléments
Autres
Interviews
Index de publications
traitant des sujets abordés
Sous-titres
Texte à l’écran
Malentendants
Aucun
Pour naviguer dans les différents menus, utilisez les fonctions Suite ▶, ◀ Retour, et Menu principal.