Les jeunes s’interrogent. . . Que vais-je faire de ma vie ? (Pipi babgo)

Kambã sã n wa lebgd kãsemba, yaa tɩlae tɩ b yãk b sẽn na n maan bũmb ning b vɩɩmã pʋgẽ. Sẽn na yɩl n sõng-b tɩ b bãng n yãk yam-sõngo, a Zeova siglgã yiisa DVD gom-zug sẽn yaa: Les jeunes s’interrogent. . . Que vais-je faire de ma vie ? Reng-y n ges-y zĩig ning b sẽn gʋls tɩ Drame, n leok sogsg nins sẽn be sull a 2 pʋgẽ wã. Rẽ poor bɩ y kẽ zĩig ning b sẽn gʋls tɩ Interviews wã, n ges zĩig ning b sẽn gʋls tɩ Souvenirs la y mak n leok sull a 3 wã zĩigẽ sogsgã.

Drame: 1) Bõe yĩng tɩ d tõe n yeel tɩ rũndã-rũndã kom-biis wʋsg sẽn yaa a Zeova Kaset rãmb vɩɩm wõnda a Tɩmote? 2) Wãn to la b ra pẽdgd a Ãndere, n dat t’a modg ne zoeesã n paam yʋʋre? 3) Bõe la saam-biig a Fleissig yeel a Ãndere, ned sã n dat n dɩk a meng n kõ a Zeova la a rat me n kẽes a meng zãng-zãng ɛspoorã pʋgẽ? (Mat. 6:24) 4) A yeel-a lame tɩ bõe n kõt sũ-noog hakɩkã? 5) Saam-biig a Fleissig yeelame tɩ bõe yell la a tẽegda, a sã n get laag ning a sẽn da tar n dɩt a sẽn wa n be bãensã roogẽ wã? 6) A yeelame tɩ neb nins sẽn be fotã zug ne yẽ ne a pagã yaa ãnd dãmba? 7) A maana a bãngẽ a sẽn bas a magbã tɩ lʋɩ wã bɩ? (Fil. 3:8) 8) A Ãndere sẽn sok a yaab n na n bãng sã n yaa wẽng t’a modg ne zoeesã n paam t’a yʋʋrã yi wã, a leok-a lame tɩ bõe? (Luk 4:5-7) 9) A Ãndere sẽn zoe zoeesã n deeg kũunã, a paama sũ-noog hakɩk bɩ? 10) Lɛtr ning saam-biig a Fleissig sẽn gʋls a Ãndere nand t’a maan kaalmã pʋgẽ, bõe n yɩ yãmb noogo? (Yel. 10:22) 11) Saam-biig a Fleissig sõnga a Ãndere t’a tags n bãng bõe?

Souvenirs: 12) Tʋʋm bʋs pʋgẽ la saam-biigã la sãam-bi-poakã ra kẽes b meng zãng-zãnga, la bõe yĩnga? 13) Bõe n wilgd tɩ b paamame tɩ b yʋʋrã sɩd yi? 14) Bõe n wa n kɩt tɩ b ned kam fãa toeem yam? (2 Kor. 5:15) 15) Tʋʋm bʋg la b ned kam fãa wa n yãk n na n tʋme, la bõe n kɩt tɩ b bãng tɩ b pa tõe n tʋmd Wẽnnaam tʋʋmdã la b le pʋgd bũmb nins sẽn be dũniyã pʋgẽ wã? 16) Rẽ yĩnga b maanda b bãngẽ, b sẽn bas b magbã n tʋmd Wẽnnaam tʋʋmdã bɩ? 17) Bõe la b yeele, tɩ rẽ kɩt tɩ yãmb tagsd y sẽn na n maan bũmb ning y vɩɩmã pʋgẽ wã yell neere?

Ges-y interviews wã babs a taabã la suppléments wã me, la y segl y mens sõma tɩ semen ning sẽn watã Tʋʋmdã tigsg sasa bɩ y tõog n leok sogsgã.