Yãmb sogsgã leoore

◼ Zemsame tɩ d ning tõnd meng adɛrs sɛb nins d sẽn kõt nebã zug bɩ?

Koe-moondb kẽer tara b adɛrs rãmb tãmpõ zugu, n tar n ningd zʋrno rãmbã bɩ seb-vãad nins b sẽn pʋɩt nebã zugu, pa rẽ bɩ b gʋlsd seb-pɛdg zug n tabendẽ. Dẽ, neb nins sẽn deegd sɛbã tõe n gʋlsa koe-moondbã n paam kibay a taab n paase. Yaa sɩd tɩ koe-moondb nins sẽn maand woto wã rat n sõnga neb nins sẽn dat n bãng n paasã. La siglgã sit wɛb zoe n bee zʋrno rãmbã la seb-vãadã poorẽ. Dẽnd yɩta sõma tɩ d ra le paas tõnd adɛrs sɛbã zut ye.

La koe-moond sã n dat n gʋls a adɛrs bɩ a telefõn nimero seb-zaal zug n kõ neb nins a sẽn moondã, wala makre ned a sẽn lebgd n tʋgd n getẽ, bee ne yẽ. Yaa tõnd mengã n segd n lebg n tɩ ges neb nins sẽn dat n bãng n paasã, la d ra bas tɩ bãmb meng bao tõnd zĩig ye. Tõnd sã n tɩ yã neb nins sẽn dat n bãng n paasã d toore, wilgdame tɩ d sɩd rat n sõng-b lame.