D segd n kell n moona koɛɛgã ne yẽesem
1 Sẽn sɩng ne yʋʋmd 1992 tɛka, yʋʋmd fãa, a Zeova Kaset rãmbã rɩkda sẽn yɩɩd lɛɛr milyaar a yembr n moond koɛɛgã la b maand karen-biisã. Ad d sũy nooma wʋsgo, d sẽn naag n moon koɛɛgã woto wã!—Mat. 28:19, 20.
2 La yaa a Zeova n segd ne pẽgr la waoogre, bala yaa yẽ n teend-d la a kõt-d bũmb nins sẽn yaa tɩlae sẽn na yɩl tɩ d tõog n moon koɛɛgã wakat kãngã sẽn yaa ‘toog wakatã.’ (2 Tɩm. 3:1) D sã n ket n dat n tʋm tʋʋm-kãngã sẽn yaa kãsengã ne yẽesem, bõe la d segd n maane?
3 Bũmb nins sẽn kɩt tɩ d tar yẽesmã: D sẽn nong Wẽnnaam la neb a taabã, n paas d sẽn dat ne d sũy fãa n vɩɩmd tɩ zems ne d sẽn dɩk d meng n kõ-a wã kɩtdame tɩ d moond koɛɛgã ne yẽesem. (Mat. 22:37-39; 1 Zã 5:3) Nonglmã kɩtdame tɩ d mongd d mense, sẽn na yɩl n tõog n moon koɛɛgã wʋsgo.—Luk 9:23.
4 D modg n tall d yẽesmã: A Sʋɩtãan sẽn yaa tõnd bɛ wã modgdame n dat n kɩt tɩ d yẽesmã booge. A tũnugda ne nebã sẽn pa rat n kelg koɛɛgã sõma wã, dũniyã yõ-noogrã, bãasã, vɩɩmã zu-loees la yɛl a taab n dat n koms d raoodo.
5 Woto yĩnga, d segd n modga wʋsg n kell n tall d yẽesmã. Tara yõod tɩ d kell n tall d “pipi nonglmã.” Sẽn na yɩl n tall d yẽesma, d segd n ket n karemda Biiblã, n bʋgsd bũmb nins d sẽn karemdã zugu, la d rɩ bũmb nins fãa a Zeova sẽn tũnugd ne “tʋm-tʋmd sẽn tũud sɩd la sẽn tar yamã” n kõt-dã nafa.—Wil. 2:4; Mat. 24:45; Yɩɩl 119:97.
6 Wala Biiblã bãngr-goam sẽn wilgd vẽenegã, daar ning a Zeova sẽn yãk n na n sãam nin-wẽnsã kolgdame. (2 Pɩɛ. 2:3; 3:10) D sẽn mi rẽ tiirã, d modg n kell n naag d sãam-biisã dũniyã gill zug n moon koɛɛgã la d maan karen-biisã ne yẽesem!