Bũmb ning d sẽn na n yeel n wilg zʋrno rãmbã

Gũusg Gasgã yʋʋm-sare, 1

“Yãmb na n leoka sok-kãngã tɩ bõe? [Karm-y sokrã sẽn be sebrã zugã, la y bas t’a leoke.] Wẽnnaam datame tɩ ãdem-biisã fãa zems taaba. [Karm-y Yɩɩl Sõamyã 46:9, 10.] Seb-kãngã tika Biiblã zug n wilgd ãdem-biisã sẽn na n wa zems taab to-to.”

Gũusg Gasgã yʋʋm-sare, 15

“Kibs rãmbã sasa, neb wʋsg modgdame n wilgdẽ tɩ b yaa nin-sõma la nimbãan-zoɛtba. Yãmb tagsdame tɩ nebã sã n da zoet taab nimbãaneg yʋʋmdã fãa, dũniyã na n yɩɩ sõma n yɩɩd woto bɩ? [Bas-y t’a leoke, rẽ poor bɩ y karem 1 Pɩɛɛr 3:8.] Seb-kãng wilgda nimbãan-zoeer yõodo, la d sẽn tõe n zoe neb a taabã nimbãaneg to-to.”

Réveillez-vous ! yʋʋm-sare

“Yãmb tagsdame tɩ sẽn ki-bã na n ye vɩɩmdame bɩ? [Bas-y t’a leoke.] Biiblã wilgdame tɩ Wẽnnaam na n fãag-d-la ne kũumã. [Karm-y Yɩɩl Sõamyã 68:21.] Seb-kãngã wilgda bũmb nins sẽn kɩt tɩ d pa segd n zoe kũumã n tẽed tɩ ned sã n ki a soab pa na n ye vʋʋgã.”

Gũusg Gasgã yʋʋm-vẽkre, 1

“Neb wʋsg pʋʋsdame tɩ Wẽnnaam Rĩungã wa. Wala makre, ges-y pʋʋsg ning a Zezi sẽn da zãms a karen-biisã. [Karm-y Matɩe 6:9, 10.] Rẽ yĩnga yãmb zoe n soka y meng Wẽnnaam Rĩungã sẽn yaa bũmb ninga, la a sẽn na n wa wakat ning bɩ? [Bas-y t’a leoke.] Seb-kãngã tika Biiblã zug n leokd sok-kãngã.”

Réveillez-vous ! yʋʋm-vẽkre

“Hal pĩnd wẽndẽ n tãag masã, pagbã namsdame, b wẽgd-b lame la b pãbd-ba. Sã n yaa ne yãmba, bõe yĩng tɩ yaa woto? [Bas-y t’a leoke.] Kelg-y Biiblã sẽn sagend sɩdbã tɩ b ges b pagbã yell to-to. [Karm-y 1 Pɩɛɛr 3:7.] Seb-kãngã tika Biiblã zug n wilgd Wẽnnaam ne a Zezi sẽn get pagbã to-to.”